• Басты
  • Еңбек министрлігі қазақстандықтарды тағы екі әлеуметтік қызметті SMS арқылы алуды ұсынады
23 Қаңтар, 2020 16:52

Еңбек министрлігі қазақстандықтарды тағы екі әлеуметтік қызметті SMS арқылы алуды ұсынады

Қазақстан Республикасы Еңбек және халықты әлеуметтік қорғау министрлігі  азаматтарға қандай да бір мемлекеттік органдарға жүгінбестен SMS арқылы тағы екі қызметті алуды ұсынады. Атап айтқанда, мүгедектік бойынша жәрдемақы тағайындау туралы, сондай-ақ мүгедектік жағдайындағы әлеуметтік төлемдер туралы сөз қозғалып отыр.
Еңбек министрлігі қазақстандықтарды тағы екі әлеуметтік қызметті SMS арқылы алуды ұсынады

Мұндай формат қазақстандықтарға еліміздің кез келген жерінен және кез келген уақытта қызметтерді алуға мүмкіндік береді. Ол үшін мобильді азаматтар базасында тіркелу және 3 күн ішінде алғашқы хабарламаға жауап беру қажет. Бұл ретте азаматарға қызмет алу үшін мемлекеттік органдарға жүгіну қажет емес. Процеске мемлекет бастамашылық етеді.

«Менің ойымша, қазір біздің қызметімізді осындай форматқа көшіру керек, өйткені біз – әлеуметтік министрлікпіз. Мемлекет азаматтар үшін жұмыс істеуге, өз қызметтерін ұсынуға тиіс. Сондықтан қазақстандықтар құжаттарды жинауға, сапарларға және күтуге уақыт пен ақша жұмсамауы үшін оларға қызмет көрсетуге сұрау салынған қарапайым SMS-хабарламалар жібереміз. Егер азамат 3 күн ішінде жауап берсе, ол жедел түрде көрсетіледі. Бұл ыңғайлы: қай жерде орналасқаныңыз маңызды емес, жай ғана SMS-ке жауап беруге болады», – деп жаңашылдыққа түсініктеме берді вице-министр Нариман Мұқышев.

Бұрын мүгедектік бойынша жәрдемақы мен мүгедектікке байланысты әлеуметтік төлемдерді тағайындау қызметін ХҚКО және Еңбек, әлеуметтік қорғау және көші-қон комитетінің аумақтық бөлімшелеріне хабарласу арқылы алуға болатын. Сонымен бірге, екі қызмет те egov.kz порталында қолжетімді.

Еске салайық, «Цифрлық Қазақстан» бағдарламасы аясында Қазақстан Республикасының Үкіметі мемлекеттік қызметтерді электрондық форматқа ауыстыру бойынша жұмыс жүргізуде. 2019 жылдың қорытындысы бойынша ведомство қызметінің 80%-ы электрондық форматта көрсетіледі.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды