• Басты
  • Д. Назарбаева бірқатар елдің парламентшілерімен кездесті
25 Қыркүйек, 2019 10:44

Д. Назарбаева бірқатар елдің парламентшілерімен кездесті

Қазақстан Республикасы Парламенті Сенатының Төрағасы Дариға Назарбаева Еуразия елдері Парламенттері спикерлері IV кеңесінің аясында Қырғызстан, Беларусь, Оман, Қатар және Түрік Республикасы парламенттерінің басшыларымен кездесулер өткізді, деп хабарлады Strategy2050.kz.


Д. Назарбаева бірқатар елдің парламентшілерімен кездесті | Strategy2050.kz

Кеңес Қазақстан Республикасының Тұңғыш Президенті – Елбасы Нұрсұлтан Назарбаевтың еуразиялық идеясының 25 жылдығына арналып отыр. Шараға Еуропа мен Азияның 65 елінен парламенттік делегациялар мен халықаралық парламенттік 14 ұйымның өкілдері қатысуда.

Сенат Төрағасы Дариға Назарбаеваның Қырғыз Республикасы Жогорку Кенешінің Төрағасы Дастан Жұмабековпен кездесуде екі ел арасындағы қатынастардың ауқымды мәселелері талқыланды. Д.Назарбаеваның айтуынша, екі республика парламентшілерінің үнқатысуы мен Парламентаралық Кеңестің нәтижелі жұмысы оның маңызды бөлшегі болып табылады. 

«Тарихтың байлығы, тіл мен мәдениеттің ортақтығы Қазақстан мен Қырғыз ынтымақтастығын дамытудағы маңызды мәселе болып табылады. Біздің мәдени-гуманитарлық байланыстарды нығайтуды жалғастыру қажет деп санаймын», - деді Д.Назарбаева.

Қазақстан Парламенті Сенатының Төрағасы Дариға Назарбаева Беларусь Республикасы Ұлттық Жиналысы Өкілдер Палатасының Төрағасы Владимир Андрейченкомен кездесуде елдер арасындағы ынтымақтастықтың маңызын атап өтті. В.Андрейченко Қазақстан Еуразия кеңістігінде ғана емес, әлемдік аренада да бейбітшілік пен келісімді және ынтымақтастықты нығайтуда ауқымды істерді атқарып келе жатқанын айтты. 

«Сіздің еліңіздің халықаралық беделі зор. Бүгінгі шараның осындай жоғары деңгейде өтуі де кездейсоқ емес. Бұл көпжылдық стратегия мен нәтижелі дипломатиялық бағдардың көрсеткіші», - деді В.Андрейченко.

Сенат Төрағасы Оман Сұлтанаты Консультативтік кеңесінің Төрағасы Халид Хилал Нассер ал-Мауалимен кездесуде екіжақты ынтымақтастық мәселелерін талқылады. Оман өкілі жылы шырайлы қабылдаулар үшін Дариға Назарбаеваға алғысын білдірді және дінаралық келісім мен ұлтаралық достықты қолдаудағы Қазақстанның әлемдік беделін атап өтті. 

Сенат Төрағасы Қатар Консультативтік кеңесінің Төрағасы Ахмад бен Абдалла бен Заид Әл Махмудпен кездесуде Қазақстан мен Қатардың ынтымақтастығын тереңдетудің келешегін талқылады. Д.Назарбаеваның пікірінше, Қатар Қазақстанның Таяу Шығыстағы ең маңызды әріптестерінің бірі болып табылады. 

«Біздің халықаралық бастамаларымызды ұдайы қолдап келе жатқаны үшін Қатар тарапына алғыс айтамыз», - деді Сенат басшысы. 

Сенат Төрағасы Д.Назарбаева мен Түркия Республикасының Ұлы Ұлттық жиналысының Төрағасы Мұстафа Шентоп екі ел арасында қалыптасқан стратегиялық әріптестікке 10 жыл толғандағы кездесудің ерекше мәні бар екенін атап өтті.

 Сенат Төрағасы осы ынтымақтастықта бауырлас халықтардың мәдени-тарихи ортақтастығын дамытудың рөлі туралы атап өтті. Д.Назарбаеваның айтуынша, аймақтық және жаһандық саяси үдерістерге Қазақстан мен Түркияның ықпалы арта түсуі мен олардың мұсылман және түркі әлеміндегі беделі екіжақты қатынастарды дамытуға жаңа мүмкіндіктер туғызатын болады. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды