COVID-19: Қазақстанда 8 млн-ға жуық азамат вакцина салдырды
ҚР Денсаулық сақтау министрлігі Қазақстанда коронавирусқа қарсы вакцина салдырғандар статистикасын жариялады, деп хабарлады Coronavirus2020.kz.
4 қазандағы мәлімет бойынша, Қазақстанда екпенің I компонентін 7 716 723 адам салдырған. Вакцинаның II компонентін алған адам саны - 6 671 959.
Сонымен бірге, 4 қазандағы Қазақстан өңірлеріндегі эпидемиологиялық ахуалды бағалау матрицасына сәйкес, елімізде 4 өңір «қызыл» аймақта тұр.
Атап айтсақ, «қызыл» аймақта Нұр-Сұлтан, Алматы қалалары, Павлодар, Солтүстік Қазақстан облыстары тұр. Ал, «сары» аймақта Шымкент қаласы, Атырау, Алматы, Ақмола, Ақтөбе, Қостанай, Қарағанды, Батыс Қазақстан, Шығыс Қазақстан облыстары орналасқан. «Жасыл» аймақта - Түркістан, Жамбыл, Маңғыстау, Қызылорда облыстары.
Еске салайық, өкінішке орай, 2 қазан күні Қазақстан аумағында 31 адам - коронавирустан, тағы 6 адам - пневмониядан қайтқан. Коронавирустан ажал құшқандардың ішінде ең көбі Нұр-Сұлтан қаласы мен Шығыс Қазақстан облысында - 5 науқас. Алматы және Шымкент қалаларында - 4, Қызылорда облысында - 3, Ақмола, Қарағанды және Ақтөбе облыстарында - 2, Жамбыл, Атырау, Павлодар және Солтүстік Қазақстан облыстарында - бір адамнан көз жұмған. Тек Маңғыстау, Қостанай, Павлодар, Түркістан, Алматы және Батыс Қазақстан облыстарында ғана коронавирустан өлім-жітім болған жоқ.
