Егжей-тегжейлі

Жаһандық рейтингтегі Қазақстанның аналитикалық орталықтары

2008 жылдан бастап жыл сайын сараптамалық талдау орталықтарға қатысты жаһандық рейтинг жарияланады. Бұл рейтинг - АҚШ-тың «Foreign Policy Research Institute» зерттеу институты «Тhink Tanks and Civil Societies Program» бағдарламасының негізінде Пенсильвания университетінің профессоры Джеймс Макганның (James G. McGann) басшылығымен экономикалық, саяси және әлеуметтік тақырыпта объективті әрі шынайы зерттеу жүргізетін аналитикалық орталықтарының толық мәліметтер базасын құру мақсатында жүргізілетін зерттеу жобасы. Бұл рейтінг бойынша қазақстандық аналитикалық орталықтар да үздіктер қатарынан көрінді. Осы орайда, жобаның бағалау критерийлері, қандай отандық аналитикалық орталықтар рейтінгте қаншасыншы орынға ие болды, сонымен қатар орталықтардың жұмысы туралы Strategy2050.kz порталының сараптама материалынан оқи аласыздар.

27 Мамыр, 2021 11:47

Бұқаралық спортты дамыту, цифрландыру және 30 жылдыққа орай ұйымдастырылатын шаралар

Бүгінде мелекет басшысының тапсырмасы бойынша бұқаралық спортты дамыту қолға алынды. Спорт секцияларының саны артып, саласыны цифрландыру мәселесі жолға қойылып келеді. Осы орайда, спорт саласын дамыту үшін қолға алынған шаралар мен биылғы тәуелсіздіктің 30 жылдығына орай өткізілетін іс-шараларға шолу жасауды жөн көрдік. Толығырақ Strategy2050.kz тiлшiсiнiң матеpиалында.

26 Мамыр, 2021 14:49

Ұлағатты ұстаз, білікті ғалым және ерекше тұлға

Филолог-журналист Серік Шешенбайұлы Тахан 1955 жылы 18 мамырда Қарағанды облысы Ақтоғай ауылында қызметкер отбасында дүниеге келді. Ақтоғай ауылының орыс орта мектебін аяқтаған соң, 1971 жылы Е.А. Бөкетов атындағы Қарағанды мемлекеттік университетіне түсіп, оны 1976 жылы «Филолог. Орыс тілі мен әдебиеті оқытушысы» мамандығын аяқтады. Еңбек жолын 1976 жылдың тамызында Қарағанды облысы Ақтоғай ауылының орыс орта мектебінде орыс тілі мен әдебиетінің мұғалімі болып бастады. 

22 Мамыр, 2021 12:50

Қазақстан экономикасының даму динамикасы

Пандемияның салдары планетаның барлық елдерінің экономикасы мен ЖІӨ-не тікелей әсер етіп, жаһандық іскерлік белсенділік пен халықаралық сауда көлемінің бұрын-соңды болмаған деңгейге дейін төмендеді. Covid-19 пандемиясының салдары соңғы онжылдықтардағы қаржы-экономикалық дағдарыстармен салыстырғанда Қазақстан экономикасына айтарлықтай әсер еткен. Оның төмендеуіне әсер еткен негізгі факторлар – ішкі санитарлық шектеулер, сыртқы сұраныстың төмендеуі, инвестициялық белсенділіктің азаюы, мұнай бағасының төмендеуі, сондай-ақ ОПЕК+келісімдері аясында мұнай өндіру қарқынының төмендеуі болды. Еуразиялық Даму Банкі (ЕАДБ) Қазақстан экономикасының тұрақтылығы мен ЖІӨ өсіміне қатысты оң болжам жасаған.

22 Мамыр, 2021 12:17

Ғылым мен ақындықты ұштастырған ұстаз

Танымал ақын, филология ғылымдарының кандидаты Серікзат Мақсұтұлы Дүйсенғазы 1974 жылы 8 желтоқсанда Шығыс Қазақстан облысы, Аягөз ауданы, Тарбағатай ауылында дүниеге келген. 1997 жылы қабырғасы қасиетті қарашаңырақ әл-Фараби атындағы Қазақ ұлттық университетінің филология факультетін бакалавриатурасын, 1999 жылы магистратурасын аяқтады.

20 Мамыр, 2021 12:54

Ұлттық мүдде ұстанымына берік ұстаз

Есенбекова Ұлбосын Мейірбекқызы 1994 жылы Абай атындағы Алматы мемлекеттік университетін, 2000 жылы әл-Фараби атындағы Қазақ Ұлттық мемлекеттік университетін журналист мамандығы бойынша үздік дипломмен аяқтады. 2004 жылы «Қазақ телепублицистикасы: ұлттық сана, салт-дәстүр мәселелері» тақырыбында кандидаттық диссертация қорғады.

18 Мамыр, 2021 15:50

Әлемдегі және Қазақстандағы электронды сауданың даму перспективалары

ХХ ғасырдың соңы мен ХХІ ғасырдың басында әлемде интернет технологияның, коммуникация құралдарының қарқынды дамуы адамзат өркениетінің өміріне үлкен өзгерістер алып келді. Бұл экономика, мәдениет, логистика, әр түрлі технология түрлерінде, ғылымның барлық салаларынде дерлік қарқынды дүмпудің пайда болуына ықпал етті.

18 Мамыр, 2021 12:15

Қазақ телевизиясының жарқын жұлдызы

Бүгінде алпыс жылдан астам тарихы бар Қазақ телевизиясы ел дамуына, рухани, мәдени құндылықтарды қалыптастыруға өзіндік үлесін қосып келеді. 1958-ші жылдан бастап жүргізген үгіт-насихаты қазақ елін тарихтың жаңа сахнасына алып шыққан болатын. Сол кезеңнің өзіне лайық нар жүгін көтерген білікті кадрлардың бірі – қазақ телевизиясының жарқын жұлдызы Рәбиға Кәрімқызы Аманжолова.

17 Мамыр, 2021 15:25

Экономикалық зерттеулер институтына - 60 жыл

Биыл Экономикалық зерттеулер институтына - 60 жыл. Институты 1961 жылы құрылған, Қазақстан экономикасының кешенді даму мәселелерін зерттейтін мемлекеттік жетекші институт. Экономикалық зерттеулер институтының (ERI) тарихы Қазақстанның экономикалық жүйесінің қалыптасуы мен дамуымен тығыз байланысты. Толығырақ Strategy2050.kz порталында.

13 Мамыр, 2021 16:56

Мектеп қауіпсіздігі – маңызды міндет

2021 жылы 11 мамырда Татарстан астанасы Қазанда мектепте атыс болып, 9 адам қайтыс болды. Ресей аймақтарының басшылары Қазандағы жағдайдан кейін білім беру мекемелеріндегі қауіпсіздік шараларын күшейтуді қолға алды. Мектептердегі өткізу режимі, дабыл түймесі, бақылау камералары қолға алынып, күзет қызметкерлері қатаң тексерістен өтеді. ҚР Президенті де осы жағдайға байланысты көңіл айту жеделхатын жолдап, Білім саласының басшысы тиісті сабақ алуымыз керектігін мәлімдеді. Қазақстандағы білім беру мекемелерінің қауіпсіздігі, оқушылардың өмірі мен денсаулығы өзектілігін жоғалтқан жоқ.

13 Мамыр, 2021 11:03

Қазақстанның бейбіт бастамалары

Қазақстан халықаралық деңгейдегі көптеген маңызды бастамалар мен игі істердің ұйытқысы болып келеді. Бұл бастамалардың көпшілігі әлемдік қауымдастық тарапынан кең қолдау тауып, әртүрлі деңгейдегі басқосулар мен қараралардың қабылдануымен, нақтылы іс-әрекеттердің жүзеге асуымен жалғасуда. Жалпы кез-келген ұсыныстың, бастаманың өзегінде оны алға тартушы, идеяны дүниеге алып келген субъектің ішкі және сыртқы мүддесі де жататынын ескере кеткен жөн. Осы орайда, Қазақстан да әлемдік деңгейдегі ұсыныстары арқылы өзінің мүддесін де ескеріп отырғанын байқауға болады. Олай болса бүгінгі мақаламызда Қазақстанның тәуелсіздік жылдары ұсынған ең маңызды бес бейбітсүйгіш бастамасы туралы сөз қозғайтын боламыз.

12 Мамыр, 2021 11:42

Екінші дүниежүзілік соғыс: ақиқат пен ақтаңдақ

Елімізде 9 мамыр – Жеңіс күні мерекесі. Бұл жаһандық деңгейдегі ең сұрапыл, ең қанқұйлы, зардабы әлі күнге созылып келген Екінші дүниежүзілік соғыстағы негізгі майданының аяқталған уақытына, яғни фашистік Германияның тізе бүккен, Кеңес Одағы бастаған елдердің жеңіске жеткен күніне арналған айтулы дата. Адамзат тарихындағы ең ауқымды соғыстың аяқталып, бейбіт күннің орнауына Қазақстанның, яғни қазақ жерінен аттанған майдангерлер мен тылда талмай еңбек еткен аға-буынның қосқан үлесі зор. Бүгінгі мақаламызда сол соғыстың адамзат тарихындағы орны және бүгінгі күн тұрғысынан қалыптасқан көзқарас жайлы баядайтын боламыз.

9 Мамыр, 2021 00:15

Ана мен баланы қорғау – мемлекет дамуының кепілі

Ана мен баланы қорғау кез келген мемлекеттің ішкі саясатының басым бағыты ретінде қарастырылады. Сонымен қоса ана мен баланы қорғау – мемлекеттердің халықаралық ынтымақтастығының да өзекті саласы. Мемлекеттік саясаттың осы бағытының мән-маңызы және осы мәселеге халықаралық қауымдастықтың ерекше назары халықтың репродуктивті деңгейі, мемлекеттің еңбек, зияткерлік әлеуеті, жас ұрпақтың физикалық, рухани және адамгершілік дамуы әйелдер мен балалардың денсаулығы, әлеуметтік жағдайымен тікелей байланысты екендігін көрсетеді.

7 Мамыр, 2021 19:39

Бірлік пен татулық – даму кепілі

Әлемдік беделді сарапшылар заман ағысы, өзгерістер процесі, ғылым мен білім, коммуникация саласының дамуы қарқын алған сайын ұлттық, этникалық, өңірлік ерекшеліктердің азайып немесе жойылып, жалпыадамзаттық құндылықтардың алға шығатынын болжауда. Бұл өз кезегінде мемлекеттер, ұлттар ғана емес өркениеттер арасында мүдделер, құндылықтар тайталасының орын алу ықтималдығын жақындата түседі.

1 Мамыр, 2021 09:00

Қашықтан оқытудың әлемдегі қарқыны

COVID-19 дағдарысы білім саласында дәстүрлі оқыту формасына балама ретінде қашықтан, онлайн оқыту жолдарын қарастыруға мәжбүрледі. Соның нәтижесінде әлемнің әр түкпірінде онлайн-оқыту жүйесі білім беру саласына ендіріліп, бір жылдың ішінде ауқымы әлдеқайда кеңейіп кетті. Тікелей білім беру үрдісін соған жауапты мекемелер ұйымдастырады, дегенмен онлайн-қашықтан оқу ата-аналардың баламен және мектеппен байланысын, жаңа цифрлық, тәрбиелік дағдыларды қажет етеді.

29 Сәуір, 2021 11:10

Ғылым саясатының жағдайы қалай

Ғылым – адамзат баласының, тұтас әлемнің дамуын қамтамасыз етуші маңызды сала. Ғылым мен білім дамымаған мыңдаған жылдар бойы адамзат баласы қараңғылықта, қиыншылықта ғұмыр кешкенін тарихтан жақсы білеміз. Ғылым мен білім өркендеген сайын адамның өмір сүру сапасы жақсарып, қоғамда бұрын-соңды беймәлім болып келген құбылыстардың қыр-сыры ашылуда.

28 Сәуір, 2021 11:00

Автожолдың ахуалы қандай

Ел ішіндегі автомобиль жолдарының халықаралық транзиттік әлеуетке ғана емес, тұрғындардың талабына сәйкес келмейтін тұстары да баршылық. Мемлекеттік бюджеттен қомақты қаражат қарастырып, шет елдік инвесторлардан қарыз алып, барын салып жатқанымен, республикалық және жергілікті мән-маңызы бар, тіпті қала ішіндегі жолдардың сапасы сын көтермей, көрсетілген уақытынан кешіктіріліп, тиісті қызмет жасалмай жататыны жасырын емес. Мемлекет Басшысы осы аптада бірқатар Үкімет мүшелері мен ведомство басшыларын жеке қабылдап, Атырау облысын дамыту жөніндегі кеңесте және одан бөлек еліміздегі автомобиль жолдарын қатаң сынға алды.

23 Сәуір, 2021 13:50

Есірткі саудасы немесе адамзатқа қарсы қылмыс жайлы

Есірткі саудасы әлемдік деңгейдегі ауқымды трансұлттық қылмыс түріне жатады. Біріккен Ұлттар Ұйымының Есірткі мен қылмыс басқармасы жариялайтын жыл сайынғы баяндамаға сүйенсек, 2018 жылы әлемде 269 миллионға жуық адам есірткі тұтынатыны анықталған. Бұл 2009 жылғы көрсеткішпен салыстырғанда 30 пайыздай көп. Сонымен қатар, әлемде 35 миллионнан астам адам есірткі пайдаланудың кесірінен денсаулығын бұзып, зардап шегуде. Бұл цифрлардың артында қиыншылыққа душар болған қаншама тағдыр, түрлі қылмыстар, олардың зардаптары тұр. Сондықтан есірткі пайдалануды барынша шектеу, онымен ымырасыз күрес жұмыстары ешқашан толастамауы тиіс. Бұл ретте, бүгінгі мақаламызда есірткі саудасымен күрестегі әлемдегі тенденциялар және қазақстандық жағдай туралы аз-кем баяндайтын боламыз.

19 Сәуір, 2021 11:22

Ғылыми-зерттеудің әлемдегі және Қазақстандағы тенденциясы

Ғылыми жұмыстардың жариялануы мемлекеттің ғылыми-зерттеу қызметінің негізгі барометрі болып саналады. 2020 жылы Қытай жаратылыстану ғылымдары бойынша жарияланған ғылыми жұмыстардың санынан АҚШ-тан асып түсті. ҚХР ендігі кезекте әлемнің сауда-экономикалық қана емес, ғылыми зерттеу державасына да айналмақ. Бірақ COVID-19 пандемиясы Қытай мен АҚШ-тың ғылыми-зерттеу қарқыны мен көрсеткіштеріне әсер еткені анық. Өйткені, ғылыми зерттеуді қаржыландырудың азаюы мен шекаралардың жабылуы зерттеушілердің жұмысына кедергі болды. Пандемия алып келген қиыншылықтар және еліміздің ғылым саласындағы соңғы жылдары қордаланған мәселелер оған жаңаша көзқараспен қарауға мәжбүрлеп отыр.

16 Сәуір, 2021 11:24

Қазақстанда ғылымның дамуына әсер еткен жаңа технологиялар

ХХІ ғасырға аяқ басқалы бері жаһан жаңа технологиялар дәуіріне өтті. Адамзат өмір сүру тәртібін барынша жеңілдетуге талпынған сайын жаңа технологиялар дүниеге келіп жатыр. Адам бір ғана түймешікті басу арқылы бүкіл әлемді басқарғысы келеді. Смартфон мен компьютердің соңғы шығарылған үлгісін меңгеріп болам дегенше жаңа технологиядағы үлгісі шығып үлгереді. Қазақстанда ғылымның дамуына қандай жағдай жасалуда? Отандық ғылымда қандай жаңа технологиялар бар? Толығырақ Strategy2050.kz тілшісінің материалында.

15 Сәуір, 2021 13:36

Экстремизм мен терроризм: Әлемдік қауіппен күрес қызметі жайлы

Экстремизм мен терроризм тақырыбы тек Қазақстан үшін ғана емес, әлемдік деңгейдегі аса өзекті мәселенің бірі. Бұл әсіресе соңғы жылдары әлемнің түкпір-түкпірінде орын алып жатқан түрлі лаңкестік оқиғалар мен экстремистік топтардың белсенді әрекетінен кейін ғаламдық проблемаға айналды.

12 Сәуір, 2021 15:20

Қазақстан экономикасын цифрландырудың жаңа міндеттері

2020 жылы басталған жаһандық пандемия экономика саласына айтарлықтай әсер етті. Қатаң карантин мемлекеттегі көптеген қызметті цифрландыруға бет бұрғызды. Осы үрдісті дер кезінде қолға алып, жаңа шақыруларға бейімделе білген үкімет пен бизнес, медицина мен білім саласы жаңа деңгейге көтерілді. Карантин кезінде барлық қызметтің сапасын жақсарту және адамдардың күнделікті өмірін жеңілдету үшін экономиканың және қоғамдық өмірге инновация енгізіліп жатыр. Көптеген алыс-жақын елдердегі сияқты Қазақстанда да цифрландырудың 2018-2022 жж. арналған бағдарламасы қабылданған еді. Былтырғы жылы мемлекеттік басқару, банк ісін, өнеркәсіп, медицина және қауіпсіздік саласында сынақтардан кейін бағдарлама жаңа мақсат-міндетпен толықты.

9 Сәуір, 2021 16:22

Ықпалды күштер бәсекесі: қарулы қақтығыстан жұмсақ күшке дейін

Мемлекет келешегінің жарқын болуы тек оның қорғаныс қабілетіне, қарулы қақтығыстарда ұпайы түгел шығуына, айбынды әскер қалыптастыру сынды шарттардан ғана тұрмайды. ХХІ ғасырда әскердің, қару қақтығыстардың тактикасы өзгергенін, мемлекеттің өзге елден бәсі биік, ықпалы зор болуы оның әскери күшінен бөлек, дипломатиялық қарым-қатынасына, өзгелерге ықпал ете алатын «жұмсақ күшіне» де байланысты. Бүгінгі мақаламызда осы мәселелердің төңірегінде ой қозғамақпыз.

5 Сәуір, 2021 17:55

Ұлт саулығы Ұлттық кеңестің назарында

Елімізде күтімге мұқтаж балалардың саны жыл санап артып келеді. Бұл – ұлт саулығына тікелей әсер ететін тенденция деуге болады. Сондықтан мүмкіндігі шектеулі жандардың тұрмысы кейінгі кезде Үкімет деңгейінде жиі көтеріліп жүр. Әлеуметтік саясатқа басымдық берген мемлекет болғандықтан осылай болуы заңды да.

29 Наурыз, 2021 21:45

Алаштың Ахаңы: өмір жолы мен өміршең идеялары

Төл тарихымызда елдің мүддесін жеке басынан артық қойып, сол жолда қыруар еңбек еткен, тіпті басын бәйгеге тігіп, құрбан болған арыстар аз емес. Солардың бірі және бірегейі әйгілі сөз зергері, ақын, әдебиет зерттеуші ғалым, түркітанушы, публицист, педагог, аудармашы, қоғам қайраткері Ахмет Байтұрсынұлы. Бүгінгі мақаламыз Алаштың Ахаңы – Ахмет Байтұрсынұлының өмір жолын, оның өміршең құндылықтарға негізделген идеяларын жазуға арналмақ.

25 Наурыз, 2021 14:59