• Басты
  • Жаңалықтар
  • Биылғы теміржол көлігіндегі қозғалыс қауіпсіздігі бұзылған 265 оқиға тіркелді

Биылғы теміржол көлігіндегі қозғалыс қауіпсіздігі бұзылған 265 оқиға тіркелді

26 Мамыр, 2020 12:10
2020 жылдың І тоқсанының қорытындысы бойынша теміржол көлігіндегі қозғалыс қауіпсіздігін бұзудың 265 оқиғасы орын алды, оның ішінде 2 апат, 65 жағдай және 198 оқиға тіркелді, деп хабарлады Strategy2050.kz ИИДМ-ға сілтеме жасай отырып.

Көліктік бақылау органдары осы кезеңде өз қызметін теміржол көлігінде жүзеге асыратын 25 кәсіпорынға тексеру жүргізді, оның ішінде 1800 шақырымнан астам магистральдық, станциялық, кірме жолдарды және 409 бірлік жылжымалы құрамды тексерді.

Тексеру барысында теміржол көлігіндегі қызметті реттейтін нормативтік-құқықтық актілер талаптарының 37 бұзушылық анықталды.

Жол қозғалысы қауіпсіздігіне қауіп төндіретін анықталған бұзушылықтар бойынша 50 бірлік жылжымалы құрамды, 6 теміржол және бағыттамалы бұрмаларды пайдалану тоқтатылды. 

Көліктік бақылау органдарымен 2020 жылдың І тоқсанында 105 млн. астам теңге айыппұл өндірілді. Аумақтық көліктік бақылау органдары биыл алғашқы үй айда 250 жолаушылар пойызын жолаушыларды тасымалдау ережесі талаптарына сәйкестігін тексеріп, 156 билетсіз жолаушы және 2125 кг рәсімделмеген жүк тасымалданғаны анықталды.

Барлық жаңалықтар