• Басты
  • Бас прокуратура қазақстандықтарды заңсыз акцияларға қатысудан бас тартуға шақырды
21 Ақпан, 2020 12:09

Бас прокуратура қазақстандықтарды заңсыз акцияларға қатысудан бас тартуға шақырды

Бас прокуратурада "ҚДТ" экстремистік ұйымына қатысты брифинг өтті. Жиында ҚР Бас прокуратурасының ресми өкілі О. Петерс қазақстандықтарды ҚДТ" экстремистік ұйымының әрекеттерінен сақ болуға, арандатушылыққа бой алдырмауға және заңсыз акцияларға қатысудан бас тартуға шақырды, деп хабарлады прокуратураның баспасөз қызметі.


Бас прокуратура қазақстандықтарды заңсыз акцияларға қатысудан бас тартуға шақырды

Армысыздар, қадірлі отандастар!

Бүгінгі брифингте баршаңызды - қоғамымызға іріткі салып жүрген қандықол қылмыскердің әрекеттерінен сақ болуға шақырамыз.   

Қазақстан демократиялық таңдауы қозғалысы экстремистік ұйым. Оны кім басқаратынын көпшілілік біле бермейді.

Жетекшісі - Мұхтар Әблязов. Оның арбауына түскен кейбір азаматтар - өкінішке орай, оған зор сенім  артады.

Естеріңізге салайық, 90-шы жылдары ол бизнесте болып, кейін «KEGOС» ұлттық компаниясын және Энергетика министрлігін басқарған.

Көп ұзамай, ол - заңды белден басып ұры, жемқор, алаяқ және адам өлтіруші қылмыскерге айналды.

Энергетика министрі кезінде жемқорлық жасағаны үшін 2002-ші жылы 6 жылға бас бостандығынан айырылған.

Қылмысына өкініп, мемлекет басшысы мен халықтан кешірім сұрап, түзелуге уәде берген еді. Кешірілген соң, бостандыққа шығарылды.

Алайда, байлыққа құнығып, қылмыстық әрекеттерін әрі қарай жалғастырды.

2005-ші жылы өзінің бизнес серіктесі, БТА банктің төрағасы - Тәтішевті өлтіруді ұйымдастырғаны ашық сотта дәлелденді.

Қылмыскер Тоқмади- Тәтішевті аң аулау кезінде Әблязовтың тапсырысымен өлтіріп, оны жазатайым оқиға ретінде көрсеткенін, ол үшін 4 млн АҚШ долларын алғанын мойындады.

Тәтішевті өлтірткен соң, Әблязов банкты иеленіп, басқару жүйесіне өзінің сыбайластарын тағайындап, қылмыстық топ құрған.

Әблязовтың қылмыстық, қитұрқы әрекеттері сан түрлі болған. Өзі құрған фирмаларға жалған құжаттар арқылы миллиардтаған несиелер беріп, жеке пайдасына жаратқан.

Мысалы, ол- өз бақылауындағы жарғылық капиталында небәрі 92 мың теңгесі болған «Рамбурс» серіктестігіне - 103 млрд теңге несие берген.

Ұрланған қаражаттарға Әблязов акциялар, элиталы үйлер мен пәтерлерді сатып алған.

Отбасына 3 ұшақ сатып алып, олардың пайдаланылуына банктен жылына 1 млрд теңге жұмсап отырған.

Қылмыстары әшкереленген соң, ол 2009-шы жылы Ресейде, кейін Англияда, 2012 -ші жылы Францияда бас сауғалады.

Шетелде жайлы өмір сүру үшін, алдын- ала қаражатты оффшор арқылы елден шығарып алған.

Оффшор дегеніміз - шетелдік компанияларды ешкім тексермейтін, бақыламайтын, шынайы қожайындары белгісіз, салық төленбейтін, қылмыстық қаражаттарды жасыруға оңтайлы мемлекеттер.

Ол- оффшорлық мемлекеттерді пайдаланып 7,5 млрд АҚШ долларын жымқырған.

Әблязовтың алаяқтық әрекеттерінен қазақстандықтар ғана емес, француздар, немістер, америкалықтар мен басқалар да зардап шегуде.

Миллиардтарды жымқырғаны  үшін Ресей, Украина мемлекеттері оған іздеу жариялады.

Өткен жылы Нью-Йорк соты Әблязовтың - саяси қудалаудамын -, деген уәжін теріске шығарып, оны айыпты деп таныды. 

Лондонның Жоғарғы соты Әблязовты - алаяқ деп танып, одан 4 млрд АҚШ долларын өндіруге,   жалған жауап бергені үшін 22 айға бас бостандығынан айыруға үкім кескен. 

Англия Ішкі істер министрлігі- оны босқын мәртебесінен айырған соң, ол Францияға қашып кеткен.

Сол жерде, ол, өзін- Қазақстан билігімен қудалауда жүрген саяси қайраткер кейпінде танытып, демократия үшін күресуші ретінде имидж қалыптастыра бастады.

Оның осы екіжүздігілігінің мақсаты бір- қылмыстық жауаптылықтан жалтару.

Айта кететін жәйт, 2017-ші  жылы «Кешкі Бішкек» басылымына берген сұхбатында, Әблязов-  Қазақстанға су беруді тоқтатуды ұсынған. Осылайша, елдің оңтүстігін - құрғақшылықтан зардап шеккізуге ұмтылған.

Қазіргі таңда оған қатысты көптеген азаматтық процестер жүргізілуде.

Бүгінде 1 млрд АҚШ долларынан астам қаражат қайтарылды.

Қылмыстық істер бойынша 8 айыптау үкімі шығып, 42 адам сотталған.

Жымқырылған қаражатты қайтару мен оны жауаптылыққа тарту үшін тиісті жұмыстар атқарылуда.

Құрметті отандастар!

Бүгінде Әблязов- халық мүддесін желеу етіп, жалған ұранмен азаматтарды заңсыз акцияларға  үгіттеуін жалғастырып келеді.

Ол сіздерді - қоғамда әлеуметтік алауыздық және ұлтаралық қақтығысты тудыру үшін пайдалануда. Оған  бір-бірімізге деген сенімімізді жоғалтқанымыз тиімді. 

Аблязовтың көксегені- еліміздің тыныштығы, азаматтарымыздың амандығы емес,  жеке басының мүддесі, мансабы. Ол қылмыстық жауаптылықтан құтылуды көздейді.

Бұрын өзі жымқырған Сіздердің қаражаттарыңызды митингке шыққандарға төлеуде.

Біз сіздерді арандатушылыққа бой алдырмауға, заңсыз акцияларға қатысудан бас тартуға шақырамыз.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды