• Басты
  • Бас анитар дәрігер: Вакциналау деңгейі баяу елдерде вирусты жұқтыру көрсеткіші артуда

Бас анитар дәрігер: Вакциналау деңгейі баяу елдерде вирусты жұқтыру көрсеткіші артуда

15 Маусым, 2021 17:49

Вакциналау деңгейі баяу елдерде вирусты жұқтыру көрсеткіші артуда. Бұл туралы ҚР Бас мемлекеттік санитариялық дәрігері Ерлан Қиясов айтты, деп хабарлады Strategy2050.kz.

Оның айтуынша, әлем елдерін індеттің қайта таралуы алаңдатып отыр. COVID-19 вирусының үшінші толқыны орын алу қаупі туындады.

«Әсіресе, вакциналау деңгейі баяу елдерде вирусты жұқтыру көрсеткіші күрт артты. Жер жүзінде 176 миллионнан астам адам вирус жұқтырды, күн сайын 290 мыңнан аса жаңа дерек тіркеліп отыр. 3,8 миллионнан астам адам көз жұмды. Қазақстанмен шекаралас аймақтарда қалыптасқан қауіпті жағдай бізді алаңдатып отыр. Ресей мен Қырғызстанда ауру таралу көрсеткіші өткен жылдан да асып түсті», - деді ол.
Оның сөзінше, Қазақстанның қазіргі эпидемиологиялық ахуалы тұрақты, тұрғындар арасында вирус жұқтыру төмендеген. Алайда, жаз айларында көптеген қазақстандық алыс-жақындағы шет мемлекеттерге барып демалуға ағылады. Соның ішінде, СOVID-19-дың таралуы бойынша эпидемиологиялық ахаулы алаңдатарлық елдер де бар. Мұны ескеру керек.
«Шетелде демалуға ниетті азаматтарды өзінің және жақындарының қауіпсіздігін қамтамасыз етуге шақырамын. Вакцинация сіздің ағзаңыздың вирусқа қарсы қорғанышын қамтамасыз етіп, саяхатты қауіпсіз өткізуге мүмкіндік береді. Жазғы демалысты алаңдамай, ойдағыдай өткізу үшін COVID-19-ға қарсы екпе алыңыз», - деді бас санитар дәрігер.
Оның айтуынша, вакцина әуежайларда еш қиындықсыз елге оралуға, әрі азаматтар мен жақындарының қауіпсіз сезінуіне мүмкіндік береді.

Барлық жаңалықтар