Барлық банктер кәсіпкерлерге төлемдерді кейінге қалдыру мүмкіндігін жасау керек – А.Мамин

«Мемлекет басшысы Қ.Тоқаевтың тапсырмасы бойынша Үкімет шағын және орта, ірі бизнес кәсіпорындарын дағдарысқа қарсы шараларын қабылдайды. Бұл шаралар ең алдымен жұмыс орындарын сақтауға, кәсіпкерлер мен азаматтардың іскерлік белсенділігін ынталандыру арқылы жаңа жұмыс орындарын құруға бағытталады. Жұмыспен кату жол картасын іске асыруға қажетті қаражат бөлінеді», - деді А.Мамин.

Премьер-Министр инфрақұрылымдық, әлеуметтік жобаларды жүзеге асыруға, жолдарды жөндеуге өзіміздің азаматтар тартылатынын айтты.

«Отандық өнімдерді одан әрі көбейту және Ұлттық экономиканың импортқа тәуелділігін азайту мақсатында қазақстандық өндірушілерді қолдау бойынша қосымша шаралар қабылданады. Ішкі нарықты ынталандыру үшін Ұлттық экономиканы несиелеу барынша ұлғайтылады. Төтенше жағдай кезінде төлемдердің кешіктірілуіне байланысты қарыз алушыларға айыппұл есептелмейтін болады. Барлық банктер кәсіпкерлерге төлемдерді кейінге қалдыру мүмкіндігін жасау керек», - деді ол.

Сонымен қатар, А.Мамин отандық бизнес бірдей шарттармен қосымша қаржылық жүктемесіз қолданыстағы бағдарламалардың жеңілдікті қолдау шараларын пайдаланылатын айтты.

«Ішкі сұранысты ұлғайтуда агроөнеркәсіптік кешеннің әсері мол. Сол себепті агроөнеркәсіптік кешен саласында несиелеудің жаңа тетігі енгізіледі. Жалпы, бүгінгі айтылған тетіктер мен ұсыныстарды қолдаймыз. Әкімдерге арнайы жұмыс орындарын сақтау бойынша жұмыс жүргізуді тапсырамын. Мемлекет басшысының Жарлығын жүзеге асыру мақсатында салық төлеушілердің салық мөлшерлемесін белгілеудің бюджеттік қалыптастыру мен сатып алудың арнайы тәртібін дайындау бойынша шешімдерді әзірлеп жатырмыз. Үкімет қабылдап жатқан шаралар әрбір кәсіпкерге жетуі тиіс», - деді ол.

Аягөз Құрмаш