Б.Нұрымбетов: Кәсіпорындар жұмысшы жалақысынан жинақтаушы қорға қаржы аудармай отыр
Бүгінгі күні кәсіпорындар жұмысшы жалақысынан 10 пайыздық жарнаны ұстап, жинақтаушы қорға аудармай отыр. Бұл туралы зейнетақы жүйесіндегі өзгерістер, еңбек қызметін жүзеге асыру үшін шетелдік жұмыс күшін тарту, атаулы әлеуметтік көмектің берілуі жөнінде өткен баспасөз мәжілісінде Еңбек және халықты әлеуметтік қорғау министрі Біржан Нұрымбетов айтты, деп хабарлады Strategy2050.kz тілшісі.
Мемлекет басшысы өз жолдауында зейнетке шықпаған азаматтарға зейнетақы жинақтарының бір бөлігін пайдалануға мүмкіндік беру туралы бастама көтерген еді. Осыған байланысты жұмысшы тобы да құрылған. Біржан Нұрымбетовтың сөзіне сенсек, бірқатар пікірді ескере отырып, Ұлттық банк пен үкіметке тапсырма берілген.
"Зейнетақы жинағының бір бөлігін пайдалануға беріледі деген мәселеге қарасты айталған бірқатар пікірді ескере отырып, Ұлттық банк пен үкіметке тапсырма берілді. Оны үкімет жанындағы саясат жөніндегі кеңесте қарап, тұжырымдамалық кеңестер берілген болатын. Президент әкімшілік тобы оны қарап, президентке ұсынды. Мемлекет басшысы ұсыныстарды қолдап, оны іске асыру жөнінде тетіктерін әрі қарай пысықтау жөнінде тапсырма берді", - деді министр.
Сонымен қатар министр өз сөзінде қазақстандықтардың зейнетақы қорында қанша қаржы бар екендігін де атап өтті.
"Зейнетақы жинағындағы қаржыны өз қажеттіліктеріне пайдалану мәселесі. Қазір бізде жинақтаушы зейнетақы қорында азаматтардың 10,4 млрд теңге қаржысы бар. 9,9 млн зейнетақылық есеп-шоттары бар. Бірақ өкінішке орай оның ішіндегі салымдардың мөлшеріне келетін болсақ, соның ішінде 53 пайызының жинақтауларының көлемі 500 мың теңгеге дейін ғана. Қосымша 16 пайызында 500 мың теңгеден 1 млн теңгеге дейін ғана. Ал 15 пайызында 1 млн-нан 2 млн-ға дейін ғана. Салымшылардың 84 пайызының жинаулары 2 млн-ға дейін ғана", - деді Бәржан Нұрымбетов.
Оның айтынша, осыған байланысты үкімет жалпы зейнетақы жүйесін әрі қарай жетілдіруді ұсынған. Сондай-ақ министр бірқатар проблеманы атап көрсетті.
"Оның ішінде бірнеше проблема бар. Біздегі жинақтаушы жүйесі әлі жас, 21 жыл ғана болды. Жалпы мұндай жүйенің қалыптасуына 34-40 жылдай керек. Екіншіден, халық табысының төмендігі. Үшіншіден, зейнетақы жарнасының төленбеуі. Өкінішке орай, бүгінгі кәсіпорындар жұмысшы жалақысынан 10 пайыздық жарнаны ұстап, жинақтаушы қорға аудармай отыр. 2,7 млрд теңге қарыз бар. Келесі проблема инвестициялық кіріс, табыс. Жинақтаушы қордағы біздің жарналарамыздың өсуі", - деді ол.
Оның айтуынша, жоғарыда көрсетілген мәселелерді ескере отырып, үкімет ұсынған ұсынысытарға тоқталды.
"Біріншіден жұмыс істеп жүрген азаматтар өздерінің жинақталған жарналарын ең төменгі жеткілікті сомадан асатынын алуға болады деген ұсыныс болды, яғни соны берсек дедік. Бұл жерде ең маңыздысы сол жеткілікті шегі деген не? Ол әр азаматтың зейнетақы жинақтаушы қорындағы бар салымдардың сомасы ең аз дегенде өмір бойы ең төменгі зейнетақы мөлшерінде алуға жеткілікті сома. Сондықтан ол есептелетін сома, оны ешкім белгілемейді. Сол себепті сол сомадан жеткілікті шегінен асатын болса соны пайдалануға мүмкін еді деген ұсыныс берілді", - деді министр.
Сонымен қатар министр өз сөзінде зейнет жасына жеткендердің зейнетақысын алу туралы мәселесіне тоқталып өтті.
"Екінші категория ол зейнет жасына жеткендер. Зейнет жасына жетіп, бірақ зейнетақы жинақтау қорында ақшалары бар азаматтарға қазір заң бойынша олар тек қана ай сайын ала алады. Біздің ұсынысымыз бойынша, сол жердегі жинақтаулардың 50 пайызына дейін ала берсе дейміз. Бір ғана шартпен, ол кісінің жинақтаушы қорындағы қалған ақшасы оның мемлекет тарапынан алатын базалық зейнетақы мен еңбек зейнетақысын бәрін қосқан кезде оның табысының 40 пайызынан төмен болмаса болды", - деді министр.
Оның айтуынша, мақсат барлық жинақтаударды таратып беру емес, себебі ол азаматтардың қарттық кезін қамтамасыз ету үшін қажет. Сондай-ақ ол азаматтардың жалақыларын көлеңкеден шығару, жұмыс берушіден өзінің зейнетақы жарнасын төлеуді талап етуге ынталандыру қажеттігін баса айтты.
Назерке Сүйіндік
-
Елбасы бас партияның Саяси кеңесі Бюросының отырысына партия мүшелерін шақырды
Нұрсұлтан Назарбаев 5 наурызда елордада Нұр Отан партиясы Саяси кеңесі Бюросының отырысына партия мүшелерін жиналуға шақырған Жарлыққа қол қойды, деп жазды елбасының баспасөз хатшысы Айдос Үкібай.
21 Ақпан 2020, 12:45
-
Б.Серікбаев: Ұлттық кеңес отырыстарын аймақтарда өткізуді қолға алу керек
Жергілікті жерлердегі мәселелерді шешіп, ұлттық кеңестің рөлін арттыру мақсатында Ұлттық кеңес отырыстарын аймақтарда да өткізуді қолға алу қажет. Бұл туралы Еуразиялық интеграция институтының сарапшысы, саясаттанушы Бауыржан Серікбаев "Ұлттық қоғамдық сенім кеңесі: талдамалық зерделеу" сараптамалық баяндамасын таныстыру кезінде айтты, деп хабарлады Stretegy2050.kz тілшісі.
17 Ақпан 2020, 14:21
-
Солтүстік Қазақстан облысының тұрғындарына әлеуметтік қорғаудың дамуы түсіндірілді
ҚР Еңбек және халықты әлеуметтік қорғау вице-министрі Ерлан Әукенов Солтүстік Қазақстан облысына жұмыс сапары аясында ардагерлермен кездесті, халықты жұмыспен қамту орталығы мен «Жанұя» отбасын қолдау орталығында болды, сондай-ақ облыс аудандары әкімдіктерінің қызметкерлерімен атаулы әлеуметтік көмек тағайындау және әлеуметтік қызмет көрсету мәселелері бойынша селекторлық кеңес өткізді.
14 Ақпан 2020, 16:34
-
Бакуде Түркі кеңесі Сыртқы істер министрлерінің кезектен тыс отырысы өтті
Сыртқы істер министрі Мұхтар Тілеуберді бастаған қазақстандық делегация Түркітілдес мемлекеттердің ынтымақтастық кеңесінің (ТМЫК) тарихында тұңғыш рет ұйымдастырылған Cыртқы істер министрлерінің кезектен тыс отырысына (СІМК) қатысты, деп хабарлады Strategy2050.kz Сыртқы істер министрлігіне сілтеме жасай отырып.
06 Ақпан 2020, 18:18
-
Д.Назарбаева Сенат бюросының отырысын өткізді
Мүгедектігі бар адамдар құқықтарын қамтамасыз ету және өмір сүру сапасын жақсарту бойынша ұсыныстар әзірлеу жөніндегі жұмыс тобы жұмысының нәтижесі туралы ақпарат күн тәртібіндегі бірінші мәселе болды, деп хабарлады Strategy2050.kz Сенаттың баспасөз қызметіне сілтеме жасай отырып.
03 Ақпан 2020, 16:00
-
Көпбалалы ана атаулы әлеуметтік көмек қаржысына кәсібін кеңейтті
Түркістан облысында атаулы әлеуметтік көмектің қаржысын тиімді пайдаланып, кәсібін кеңейтіп отырғандардың қарасы көбейіп келеді, деп хабарлады Strategy2050.kz облыс әкімдігіне сілтеме жасай отырып.
03 Ақпан 2020, 14:44
-
5267 пән мұғаліміне тапшылық туындап отыр – А.Аймағамбетов
Білім және ғылым министрі Асхат Аймағамбетов министрліктің алқа отырысында мәлімдеді, деп хабарлады Strategy2050.kz тілшісі.
31 Қаңтар 2020, 16:35
-
Кәсіпкерлік қызметтің еркіндігі қалай қорғалмақ
Елордада «Атамекен» ҚР ҰКП Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңестің отырысы өтті. Шарада бизнес үшін маңызды мәселе: қылмыстық процесте кәсіпкерлердің құқықтары мен мүдесінің қорғалуы талқыланды, деп хабарлады Strategy2050.kz тілшісі.
29 Қаңтар 2020, 18:09
-
Г.Бурибаева: 2019 жылы "Даму" қоры 85 мың жобаны қаржыландырды
Өткен жылы "Даму" кәсіпкерлікті дамыту қоры 85 мың жобаны қаржыландырған. Бұл туралы аталған қордың 2019 жылы атқарған шаралары мен қорытындылары және де 2020 жылға қойылған мақсаттары туралы өткен баспасөз мәжілісінде Басқарма төрайымы Гаухар Бурибаева айтты, деп хабарлады Strategy2050.kz тілшісі.
20 Қаңтар 2020, 12:52
-
«Бәйтерек» холдингі ресейлік жобаларды қаржыландыру фабрикасының тәжірибесінен үлгі алуда
«Бәйтерек» холдингінің Басқарма төрағасы Айдар Әріпханов және Холдингтің еншілес ұйымдарының басшылары Мәскеу қаласында жұмыс сапарымен болып, онда Ресейдің мемлекеттік қаржы институттарының топ-менеджерлерімен кездесті.
16 Қаңтар 2020, 12:05
-
2019 жылы мемлекеттік еңбек инспекторлары 41 мыңнан астам жұмыскердің құқығын қорғады
2019 жылы мемлекеттік еңбек инспекторлары республиканың 1 771 кәсіпорнында 43,3 мың жұмыскер алдында жалақы бойынша 6,1 млрд теңгеден астам берешегі бар екенін анықтады.
16 Қаңтар 2020, 11:16
-
Сенат жеке адам құқықтарының қорғалуын күшейту мәселелерін талқылады
Сенат отырысында заңнамаға қылмыстық, қылмыстық-процестік заңнаманы жетілдіру және жеке адам құқықтарының қорғалуын күшейту мәселелері бойынша түзетулер екі оқылымда қаралып, қабылданды.
26 Желтоқсан 2019, 18:28
-
Президент жаңа басқарушылар жүзеге асыратын креативті міндеттерді алға қойып отыр – С.Нұрбек
Бүгін Президенттік жастар кадр резервіне іріктеудің қорытындысы жарияланды. Осыған орай, танымал саясаттанушы Саясат Нұрбек Президенттік кадр резервінің артықшылықтары туралы айтып берді.
25 Желтоқсан 2019, 15:52
-
Шымкентте көпбалалы ана мен жұмысшы жастар баспаналы болды
Шымкент қаласының әкімі Ерлан Айтаханов тұрғын үй кезегінде тұрған көп балалы аналар мен жұмыс істейтін қала жастарына пәтер кілттерін табыстады.
25 Желтоқсан 2019, 10:09
-
Жаңа Экологиялық кодекс кәсіпорындарды өндірістерін жаңғыртуға ынталандырады — А. Мамин
ҚР Премьер-Министрі Асқар Маминнің төрағалығымен өткен Үкімет отырысында Қазақстан Республикасының Экологиялық кодексінің жаңа редакциядағы жобасы қаралды.
24 Желтоқсан 2019, 11:46