• Басты
  • Азаматтарға арналған үкімет: ЭЦҚ алуды жеңілдету, автокөлікті қайта тіркеу және цифрландыру

Азаматтарға арналған үкімет: ЭЦҚ алуды жеңілдету, автокөлікті қайта тіркеу және цифрландыру

8 Шілде, 2021 15:32

ҚР Президенті жанындағы «Орталық коммуникациялар қызметі» алаңында «Азаматтарға арналған үкімет» мемлекеттік корпорациясы» КЕ АҚ басқарма төрағасы Әділ Қожихов корпорацияның бес жылда атқарған жұмыстары туралы баяндады. Толығырақ Strategy2050.kz тілшісінің материалында.

Азаматтарға арналған үкімет мемлекеттік корпорациясының басқарма төрағасы Әділ Қожиховтың айтуынша, төрт түрлі мекеменің қосылуынан пайда болған корпорация осыдан 5 жыл бұрын елбасының институционалды реформаны жүзеге асыру туралы 100 нақты қадам ұлт жоспарын орындау мақсатында құрылған. Корпорация мемлекеттік реестрдегі 659 қызмет түрін көрсетеді.

«Көпшілік бізді халыққа қызмет көрсету орталықтарына жауапты мекеме ретінде таниды. Алайда одан бөлек жер кадастры, жылжымайтын мүлік, әлеуметтік төлемдер мен зейнетақыны есептеу, заңды тұлғаларды тіркеу сияқты бағыттарымыз бар. Бес жыл ішінде біз қазақстандықтарға 150 миллионнан астам қызмет көрсеттік», - деді ол.

Оның мәліметінше, мемлекеттік корпорация құрамында 22 мың маман қызмет атқарады.Сондай-ақ, еліміз бойынша 17 филиал бар. Соның ішінде ауыл-аудандарды қамтитын 339 халыққа қызмет көрсету орталығы, жылжымайтын мүлік пен жер кадастры, әлеуметтік төлемдер бойынша барлығы 442 бэк-офис бар. Оған қоса, ауылдарға баратын 69 мобильді ЦОН жұмыс істейді.

«Бүгінде күн тәртібінде бірқатар қызметті автоматтандырып, цифрлық форматқа ауыстыру жұмыстары бар. Халыққа ыңғайлы болар сервистерді де енгізіп жатырмыз», - деді басқарма төрағасы.

Ол өз сөзінде, коронавирус пандемиясы жұмыс атқаруда едәуір түзетулер енгізгенін айтып өтті. Айталық, Қазақстандықтар әлеуметтік төлемдерді тұрғылықты тіркеуге қарамастан кез келген ХҚО-дан рәсімдеуге қол жеткізген.

6 проблемалық қызмет

«Азаматтарға арналған үкімет» мемлекеттік корпорациясы» Басқарма төрағасының бірінші орынбасары Әбділдин Сүйеніштің сөзінше, көптеген адамдар қажет жұмысын ХҚКО-на өзі барып бітіруді жөн көреді екен. Сондай-ақ, қызметтерді талдау нәтижесінде қызмет алушы өтініштерінің 75%-ын тек алты қызмет қамтитынын көрсеткен.

«Тек 2020 жылдың өзінде 4,8 миллион азамат ЭЦҚ алу үшін келді. Бұл барлық өтініштің 30 пайызы. Цифрлық даму министрлігі "Ұлттық ақпараттық технологиялар" АҚ-мен бірлесіп бұлтты ЭЦҚ енгізу мәселесін пысықтап жатыр. Бұл жоба ЭЦҚ алу процесін айтарлықтай жеңілдетуге мүмкіндік береді. Біз бұл шешім адамдарды онлайн режимге көшіреді деп күтеміз», - деді ол.

Оның айтуынша, ЭЦҚ биометриялық деректер бойынша верификация арқылы қолжетімді болады. Жүйе файл түрінде болмайды, сәйкесінше электрондық цифрлық қолтаңбаларда қашықтағы серверлерде сақталады. 

Кері байланыс

Сонымен қатар, ХҚКО-да қызметтер мен сервистердің сапасын арттыру үшін биыл азаматтардан келіп түскен шағымдар мен ұсыныстарды жинау, өңдеу жүйесін іске қосылған. ХҚКО жүгінгеннен кейін клиент QR-кодты сканерлеу арқылы пікір қалдыра алады немесе қызметті алғаннан кейін SMS арқылы қысқа сауалнамадан өте алады.

«Қазірдің өзінде 89 мыңға жуық пікір жиналды. 1 шілдеден бастап біз азаматтардың теріс пікірлері бойынша кері қоңыраулар жасай бастадық. Бұл қоңыраулар клиенттердің наразылығының себептерін анықтауға және оларды тез жоюға мүмкіндік береді. Бірде-бір теріс пікір назардан тыс қалмайды», - деді Әбділдин Сүйеніш.

QR код арқылы төлем

Әбділдин Сүйеніштің сөзінше, кері байланыс жүйесі мемлекеттік баждарды төлеу бойынша мәселелер бар екенін анық көрсеткен. Атап айтқанда, кассалардағы кезектер мен банктердің үлкен комиссиялары. Осы мәселені бірлесіп шешу үшін «Kaspi.kz» және «Halyk Bank» мемлекеттік баж салығын QR-төлеуді іске қосқан.

Оның айтуынша, халықты құжаттандыру бойынша қызметтерді қоспағанда, баждың барлық түрлері тікелей қызмет көрсеткен ХҚКО операторы арқылы төлеі мүмкіндігіне ие.

«Бұл жоба азаматтарды банк кассаларында кезек күту қажеттігінен құтқарды, сондай-ақ транзакция үшін 600 теңгеге дейін құрайтын комиссияларды болдырмады. Азаматтар қазірдің өзінде 817 млн.теңге сомасына 200 мыңнан астам төлем жасады. Тек маусым айында ғана төлем сомасы 252 млн. теңгеден асты», - деді ол.

Сондай-ақ, қандай да бір себептермен QR-төлемді пайдалана алмайтын клиенттер үшін банктермен бірлесіп ХҚКО операторларында POS терминалдарын орнату мәселесі пысықталынып жатыр.

Дайын құжаттарды жеткізу

Оның мәліметінше, өткен жылы халыққа 16,4 миллион қызмет көрсетілген. Статистика бір қызметті ХҚКО-ға бір өтініш ретінде ескереді. Алайда, іс жүзінде 1 қызметті алу үшін клиент ХҚКО-ға өтініш білдіреді. Сәйкесінше, бұл бөлімшеге қосымша жүктеме жасайды.

«Азаматтардың өтініштерін қайта қарауды болдырмау және ХҚО-ға кезектерді азайту мақсатында Нұр-сұлтан, Алматы, Шымкент қалаларының үш қаласында дайын құжаттарды жеткізу қызметі іске асырылды», - деді Басқарма төрағасының бірінші орынбасары.

Іске асыру механизмі:

Құжаттың дайындығы бойынша сілтемесі бар СМС келеді;

Сілтеме бойынша өтіп, мекен-жайыңызды көрсетіп, 970 теңге төлеу қажет, құжат күнбе-күн жеткізілетін болады;

Пилоттық жобаның бір жарым айында 1200-ден астам құжат жеткізілген;

Сондай-ақ, жоба жақын арада бүкіл Қазақстан бойынша ауқымды болады.

Kaspi.kz арқылы автокөлікті қайта тіркеу

Әбділдин Сүйеніштің айтуынша, қазіргі таңда ЭСҚ-дан кейінгі екінші танымал қызмет - бұл көлік құралдарын тіркеу. Арнайы орталықта қызмет алу үшін ереже бойынша 2 сағат уақыт жұсалады екен. Алайда, бұл мәселені шешу үшін «Kaspi.kz» қосымшасында көлік құралдарын тіркеу жобасы басталған.

«Көлік құралдарын тіркеу уақытын 15-25 минутқа дейін қысқартуға мүмкіндік туды. Қосымшаның көмегімен онлайн-қайта ресімдеудің үлесі маусымның аяғында 16% құрайды», - деді ол.

Сонымен қатар, бұл қызметті «Halyk Bank» және «Kolesa.kz» сияқты басқа қосымшаларда енгізу жоспарланып отыр.

Мамандандырылған ХҚКО рансформациясы (емтихан тапсыру)

Мамандандырылған ХҚКО – да танымалдылығы бойынша келесі қызмет түрі-жүргізуші куәліктерін беру болып табылады.

Оның сөзінше, кейбір азаматтар теориялық емтихан тапсыру үшін барлық бос орындарды іздейді. Мысалы, басқа адам емтихан сыныбына кіргізіп, әртүрлі гаджеттер мен алыпсатарлықтың басқа түрлерін қолдануға тырысады. Бұл сыбайлас жемқорлық тәуекелдерін болдырмау үшін ағымдағы жылдың сәуір айында Ustudy-мен бірлесіп теориялық емтихан тапсырудың пилоттық жобасы іске қосылған.

«Сіздердің назарларыңызға пилоттық жобаны енгізгеннен кейін Алматыда емтихан тапсыруға өтініш білдіру саны күніне 532-ден 88-ге дейін 6 есеге, ал сәтті өткен емтихандардың үлесі 36,6% - дан 15,5% - ға дейін 2 еседен астамға төмендегенін айтқым келеді»», - деді Әбділдин Сүйеніш.

Сондай-ақ, Нұр-сұлтан қаласында жыл соңына дейін аталған жобаны Қазақстан бойынша ауқымды ету жоспарланып отырғанын еске салды.

Бірыңғай байланыс орталығы

Онлайн қызметтерді енгізу кезінде өте маңызды мәселе - клиенттерді қолдаудың тиімді қызметін қамтамасыз ету. Ағымдағы жылдың 1 сәуірінен бастап 1414 Бірыңғай байланыс орталығы Мемлекеттік корпорацияның қарамағына берілген.

Осы орайды, байланыс орталығының 1414 қызмет көрсету сапасын арттыру бойынша бірқатар шаралар іске асырылған:

- Петропавл, Көкшетау, Қызылорда, Қостанай қалаларында бірыңғай байланыс орталығының жаңа алаңдары ашылды;

- клиенттерге қызмет көрсетудің тұрақты мониторингі жүргізіледі;

- Telegram-да чат-боттармен консультация жүзеге асырылды.

Сондай-ақ, дербес қызметтерді көрсету үшін клиенттерді тану функционалын іске асыру жоспарлануда. Оның дерегінше, қоңырау шалу пайызы 69% - дан 92% - ға дейін өскен. Сондай-ақ, күту уақыты 5 минуттан 48 секундқа дейін төмендеген.

Оның айтуынша, ағымдағы жылдың соңына дейін қоңырау шалу пайызын 95% - ға дейін арттыру және күту уақытын 30 секундқа дейін қысқарту жоспарлануда.

Барлық жаңалықтар