- Басты
- Жаңалықтар
- Қазақстандықтар жұмыспен қамту орталықтарының қызметтерін онлайн режимде ала алады
Қазақстандықтар жұмыспен қамту орталықтарының қызметтерін онлайн режимде ала алады
Қазақстанның барлық өңірлерінің тұрғындары ағымдағы жылдың мамыр айынан бастап Enbek.kz Электрондық еңбек биржасы (бұдан әрі – ЭЕБ) порталы арқылы халықты жұмыспен қамту орталықтарының (бұдан әрі – ХЖҚО) қызметтерін қашықтықтан ала алады, деп хабарлады Еңбек және халықты әлеуметтік қорғау министрлігінің баспасөз қызметі.

Бұдан бұрын хабарланғандай, 2020 жылғы 17 қарашада жұмыссыздарды тіркеу рәсімдерін жеңілдету және жұмыспен қамтуды қолдау бойынша мемлекеттік қызметтерді алуды жеңілдету үшін ҚР Еңбек және халықты әлеуметтік қорғау министрлігі республикалық маңызы бар қалалар мен облыс орталықтарының тұрғындарына Электрондық еңбек биржасы арқылы ХЖҚО қызметтерін қашықтықтан көрсету бойынша пилоттық жобаны іске қосты. Осы жылдың 5 қаңтарынан бастап республиканың 40 қаласының тұрғындарына, ал мамырдан бастап барлық қазақстандықтарға осы мүмкіндік берілді.
ЭЕБ-тегі «Жеке кабинетте» қазақстандықтар жұмыс іздеуші адам немесе жұмыссыз ретінде есепке тұра алады және тіркеудің барлық кезеңдерін қадағалай алады. Жұмыссыз мәртебесін алғаннан кейін азаматтар (әлеуметтік сақтандыру жүйесіне қатысушылар) онлайн режимде ЭЕБ-да жұмысынан айырылу бойынша әлеуметтік төлемге өтінім жібере алады және мемлекет субсидиялайтын жұмыс орындарын – жастар практикасын, әлеуметтік жұмыс орындарын, қоғамдық жұмыстарды өз бетінше таңдай алады. Жоғарыда көрсетілген қызметтерді онлайн режимде алу үшін электрондық цифрлық қолтаңбаны пайдалана отырып, ЭЕБ-да тіркеуден өту қажет.
Жыл басынан бері қызметтерді қашықтықтан алу мүмкіндігін 34 мыңнан астам адам пайдаланды. 30 мың азамат жұмыссыз мәртебесін алды.
«Жұмыс іздеп, жұмыспен қамту орталығына барғысы келетін азаматтарға үйден шығудың қажеті жоқ. Мұның бәрін бірнеше минут ішінде Enbek.kz порталында жасауға болады, ол үшін тек интернеті бар компьютер мен электрондық цифрлық қолтаңба болуы керек. Қызмет толықтай автоматтандырылған. Бұл дегеніміз, егер үш жұмыс күні ішінде порталда адамға лайықты жұмыс табылмаса, онда Электрондық еңбек биржасы жұмыссыз ретінде тіркеуді автоматты түрде жүзеге асырады. Осылайша, адами фактор толығымен жойылады», – деді Еңбек және халықты әлеуметтік қорғау вице-министрі Ербол Оспанов.
Интернет немесе компьютер болмаған жағдайда, барлық жұмыспен қамту орталықтарында құрылған өзіне-өзі қызмет көрсету аймақтарында ЭЕБ арқылы қызметтерді алуға болады. ХЖҚО қызметкерлері онлайн ұсынылатын қызметтер бойынша қажетті кеңестер береді. Бұл азаматтарға Жұмыспен қамту орталығының маманына қабылдауға кезек күтпеуге және COVID-19 пандемиясы жағдайында физикалық байланыстарды азайтуға мүмкіндік береді.
Онлайн қызмет көрсету туралы толық ақпаратты www.enbek.kz сайтында және халықты жұмыспен қамту орталығында алуға болады.
Жұмыс іздеп жүрген адам ретінде Электрондық еңбек биржасында онлайн тіркелуді азаматтар https://www.enbek.kz/docs/ru/how-to-get-state-employment-support сілтемесі бойынша ала алады.
-
Қосшы қаласында «Алтын домбыра» айтысы өтті
-
30 жыл: ҚР машина жасау саласы қандай жетістіктерге жетті
-
ТЖМ: Газ баллондар мен газ жабдықтарын қалай пайдалану керек
-
Инвестициялық саясат: ТШИ, саладағы негізгі трендтер мен өңірлердегі инвестиция тарту мәселесі
-
«Аңсаған сәби» бағдарламасына кімдер қатыса алады және іріктеу қалай жүреді
-
Шетелдік интернет-компаниялардың қызметтеріне «цифрлы салық» салу қалай жүзеге асады
-
COVID-19: Оңтүстік Кореяда коронавирус күшейді, Францияда балалар арасында вирус жұқтырғандар саны артуда
-
ЖИТС және АИТВ: Ауруды алдын-алу мен емдеу шаралары
-
Жастар арасындағы суицид: Алдын алу шаралары
-
Мүгедектігі бар адамдарды әлеуметтік қорғау бойынша қандай шаралар қолға алынды
-
Жергілікті қамтуды дамыту: Инвестиция қоры, қосылған құн салығы мен мұнай-газ саласы
-
Президент тапсырмасы: Жаңа жылдан бастап кімдердің жалақысы өседі
-
Қай қалалардың әуежайында цифрлы жеке куәлікті қолдануға болады
-
ІІМ: Интернет алаяқтарға алданбау үшін нені білу керек
-
Pfizer: «Препараттың қауіпсіздігіне алаңдауға не күмәндануға негіз жоқ»

