• Басты
  • Қазақстандықтар балкондарға туды ілді

Қазақстандықтар балкондарға туды ілді

16 Желтоқсан, 2020 14:46

16-18 желтоқсан аралығында Қазақстанның туын тұрғын үйлердің терезелері мен балкондарына орната отырып «Менің туым. Менің Отаным!» челленджі өтіп жатыр, деп хабарлады Strategy2050.kz тілшісі.


Мәселен, Шымкентте бұл шара әлеуметтік желіде қолдау тауып, екінші жыл қатарынан өткізіліп отыр. Бүгін қорытындыланды. Бұл акцияның ауқымы кеңейіп, өзге облыстарда да жалғасын тапты. Қарағанды, Павлодар, Тараз, Қызылорда секілді еліміздің өзге өңір тұрғындары Көк байрақпен суретке түсіп, акцияға үн қосты, әлеуметтік желілерде челлендж ұйымдастырды, балкондарға көк туды ілді.

photo5388847096825753784.jpg

photo5966472906252856277.jpg



«Менің туым – Менің Отаным» деген атаумен мұндай челлендж Көкшетауда да өтті. Пәтерлерінің балконына еліміздің көк Туын іліп қойған Сарыарқа шағынауданы, 8/4 тұрғын үйінің тұрғындары қазақстандықтарды Тәуелсіздік күні мерекесімен осылайша құттықтады. Шараны ұйымдастырушылар тұрғындардың балконға ту ілуді бұрыннан армандағанын айтты. Қалада тумен бірге автошеру де өтті.

Семей жастары да акцияға белсенді қатысты. Белсенді жастар автокөлікке жабыстыратын Қазақстан туын 100 көлік иесіне таратқан. Акцияны көпқабатты тұрғын үй тұрғындары да қолдады. Қарағайлы ықшамауданының жаңа тұрғындары балкондарға көк туды тізе ілді.

16 желтоқсан сағат 10.00 де Қарағанды қаласы «Менің туым. Менің Отаным!» челленджін бастау берді атлаған челленджді Балқаш, Жезқазған, Сәтбаев, Саран, Шахтинск қалалары жалғастырады. Тұрғындар балконға ту ілді. Қарағанды қаласында «Қарағанды» қонақ үйінің балконына 20 жуық ту ілініп, жастар жалаушаларды алып атаулы челленджді Балқаш қаласына жолдады.

Акция Қазақстанның өзге аймақтарында да жалғасын тапты.

Барлық жаңалықтар