• Басты
  • Қазақстанда бес жыл ішінде 10 мың км автожол жөндеуден өтеді және салынады
31 Желтоқсан, 2019 12:45

Қазақстанда бес жыл ішінде 10 мың км автожол жөндеуден өтеді және салынады

«Нұрлы жол» бағдарламасы бойынша, бес жыл ішінде ұзындығы 10 мың шақырымды құрайтын республикалық жолдардың құрылысы мен реконструкциясы бойынша жобалар іске асырылады, деп хабарлады ҚР Индустрия және инфрақұрылымдық даму министрлігі баспасөз қызметі.

Қазақстанда бес жыл ішінде 10 мың км автожол жөндеуден өтеді және салынады

Қазақстан Республикасының Үкімет үйінде 2020-2025 жылдарға арналған жаңа «Нұрлы жол» мемлекеттік бағдарламасы бекітілді. Оның аясында республикалық маңызы бар автомобиль жолдарының құрылысы мен реконструкциясына қатысты 27 жобаның іске асырылуы қарастырылған.

"Қазақстандағы автомобиль жолдарының жалпы ұзындығы 95,9 мың шақырымды құрайды. «Нұрлы жол» мемлекеттік бағдарламасының екінші бесжылдығында республикалық маңызы бар жолдардың құрылысы мен реконструкциясы аясында 13 жаңа жоба іске асырылмақ. Жаңа жобалар шеңберінде тиісті жұмыстармен жолдардың шамамен 7 мың шақырымы қамтылатын болады. Сонымен қатар, жоғарыда аталған уақыт ішінде 14 ауыспалы жобаны да жүзеге асыру қарастырылған. Ауыспалы жобалар аясында пайдалануға берілетін жолдардың ұзындығы 3,8 мың шақырымды құрайды", делінген хабарламада. 

Осылайша, Қазақстанда 2025 жылдың соңына дейін республикалық маңызы бар жолдардың 10 мың шақырымында қозғалыс ашылады деп күтілуде. Бұл 2025 жылы жақсы және қанағаттандырарлық жағдайдағы республикалық жолдардың үлесін 100% дейін жеткізуге мүмкіндік береді.

Айта кетейік, 2020 және 2025 жылдардың аралығында жалпы пайдаланымдағы облыстық және аудандық маңызға ие автомобиль жолдарын дамытуды қаржыландыруға паритетті негізде республикалық және жергілікті бюджеттерден шамамен 1 трлн теңге бөлінетін болады. Аталмыш қаржы есебінен жергілікті маңызы бар жолдардың 20 мыңнан астам шақырымы қалпына келтірілмек. Осы ретте жақсы және қанағаттандырарлық жағдайдағы жергілікті жолдардың үлесі 95% жеткізіледі деп жоспарланған.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды