• Басты
  • Қазақстанда 858 мыңнан астам адам АӘК алды

Қазақстанда 858 мыңнан астам адам АӘК алды

23 Желтоқсан, 2020 14:24

Осы жылдың 1 желтоқсандағы жағдай бойынша атаулы әлеуметтік көмек , яғни АӘК 168,6 мың отбасының 858,2 адамына 58,3 млрд. теңге сомасында төленді, деп хабарлады Strategy2050.kz тілшісі ҚР Еңбек және әлеуметтік қорғау министрлігіні сілтеме жасап.

Отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-ынан төмен азаматтарға АӘК тағайындалады.

Бұдан басқа, АӘК көрсетудің жаңа тетігін іске асыру шеңберінде еліміздің барлық өңірлерінде табысы аз отбасылардың мектеп жасына дейінгі балаларын кепілдік берілген әлеуметтік топтамамен (бұдан әрі – әлеуметтік топтамамен) қамтамасыз ету бойынша жұмыс жүргізілуде.

Ағымдағы жылдың 11 айында әлеуметтік топтама алушылардың жалпы саны 158,1 мың отбасын немесе 431,3 мың адамды құрады.

1 жастан 6 жасқа дейінгі АӘК алушылар қатарынан 216,4 мың бала азық-түлік жиынтығы және тұрмыстық химия түрінде кепілдік берілген әлеуметтік топтама алды.

Естеріңізге сала кетейік, 130 мың қазақстандық отбасының 650 мыңнан астам адамына IV тоқсанда атаулы әлеуметтік көмек тағайындау мемлекеттік инстанцияға жүгінбей-ақ автоматты түрде ұзартылды. ҚР Еңбек және халықты әлеуметтік қорғау министрінің тиісті бұйрығы ағымдағы жылдың 25 қыркүйегінде қабылданды.

АӘК алушыларға бұдан бұрын, II және III тоқсанда ТЖ режимі мен карантиндік шектеу шараларының қолданылуына байланысты көмек тағайындау ұзартылған болатын.

Барлық жаңалықтар