• Басты
  • Қазақстан мен Хорватия ынтымақтастықты дамытуда
12 Ақпан, 2020 18:01

Қазақстан мен Хорватия ынтымақтастықты дамытуда

Загреб қаласында Қазақстанның Елшісі Төлежан Барлыбаевтың Хорватияның Сыртқы және еуропалық істер министрі Гордан Грлич Радманмен кездесуі өтті, деп хабарлады СІМ баспасөз қызметі.
Қазақстан мен  Хорватия ынтымақтастықты дамытуда

Кездесу барысында хорват министрі Брюссельде ҚР-ЕО ынтымақтастық кеңесінің 17-ші отырысы барысында ҚР СІМ басшысы Мұхтар Тілеубердімен жақында болған келіссөздердің нәтижелеріне жоғары баға берді. Ол осы жылдың І-ші жартыжылдығында Еуропа Одағының Кеңесіне Хорватияның төрағалық ету миссиясы туралы айтып, ЕО мен ҚР арасындағы ынтымақтастықты нығайтудың маңыздылығын атап өтті.

Тараптар екіжақты байланыстардың қарқынды дамып келе жатқанын атап, оған Хорватияның Нұр-Сұлтан қаласында Елшілігі мен Сплит қаласындағы ҚР консулдығының ашылуы, экономикалық ынтымақтастық туралы және қосарланған салық салуды болдырмау туралы келісімдердің күшіне енуі, сонымен қатар 2019 жылдың сәуірінен бастап ҚР және XР сыртқы істер министрлерінің төрт ресми кездесуі дәлел болды.

Елші  Загребте жоспарланған экономикалық ынтымақтастық жөніндегі Қазақстан-Хорватия Үкіметаралық комиссияның 1-ші отырысының өткізу мерзімінің пысықталуын, сондай-ақ Нұр-Сұлтан қаласында 2020 жылдың маусымында өткізуі жоспарланған Дүниежүзілік сауда ұйымының (ДСҰ) 12-министрлік кездесуіне дайындық барысы туралы хабардар етті.

Г.Грлич Радман 2020 жылғы маусымда ДСҰ-ның министрлік конференциясына қатысу, сондай-ақ қазақстандық серіктестермен екіжақты келіссөздер жүргізу үшін Қазақстан астанасына бару ниетін растады.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды