• Басты
  • Қазақстан Елшісі Дания Патшайымына сенім грамоталарын тапсырды
18 Желтоқсан, 2019 15:04

Қазақстан Елшісі Дания Патшайымына сенім грамоталарын тапсырды

Копенгагенде Қазақстанның Швециядағы Елшісі және Даниядағы Елшісі қызметін қоса атқарушы Қайрат Әбдірахманов Дания Патшайымы II Маргретеге сенім грамоталарын тапсырды.
Қазақстан Елшісі Дания Патшайымына сенім грамоталарын тапсырды

«Амалиенборг» Патша сарайында өткен салтанатты рәсімнен кейін дат мемлекетінің басшысында аудиенция өтіп, ол Қазақстан халқын Тәуелсіздік күнімен құттықтады. Жылы жағдайда өткен әңгіме барысында Қазақстан мен Дания арасындағы жан-жақты байланыстарды тереңдету және кеңейту жолдары қозғалды. Патшайым еліміздің ежелгі тарихы мен өзіндік мәдениетін атап өтіп, тараптар екіжақты мәдени-гуманитарлық қатынастардың түрлі аспектілеріне тоқталды. Маргрете II Елшіге Қазақстан мен Дания ынтымақтастығын нығайту жолындағы жұмысында табыстар мен жеміс тіледі.

Сапар бағдарламасы шеңберінде Қ.Әбдірахмановтың Данияның Сыртқы істер министрінің халықаралық саясат мәселелері жөніндегі орынбасары Л.Зильмер-Джонс, Фолькетингтің (Парламенттің) Сыртқы істер жөніндегі комитетінің төрағасы М. Кнутпен кездесулері өтіп, ҚР басшылығының бітімгершілік бастамалары ұсынылды және саяси өзара іс-қимылдың түрлі аспектілері бойынша, оның ішінде БҰҰ, ЕҚЫҰ және басқа да халықаралық және өңірлік ұйымдар мен олардың парламенттік ассамблеялары шеңберінде пікір алмасу болды. Жетекші дат экономикалық құрылымдары – Өнеркәсіпшілер конфедерациясы мен Экспорттық-несие агенттігі және Дания СІМ жанындағы сауда кеңесінің басшылығымен кездесу барысында сауда мен инвестицияларға басты назар бөлінді.

Әлемнің көптеген бұрыштарында тәжірибесі кең қолданылатын бұл ел Қазақстан үшін өте перспективалы серіктес болып табылады және экономика мен қоғамның даму тұрақтылығын бағалайтын барлық халықаралық рейтингтерде алдыңғы қатарлы позицияларды иеленеді. Жоғары деңгейдегі алғашқы байланыс ҚР Тұңғыш Президенті – Елбасы Н.Назарбаевтың 2000 жылғы қазанда Корольдікке ресми сапары кезінде орын алды. 2019 жылғы қаңтар-қыркүйек кезеңінде өзара сауда айналымы 60 млн. АҚШ долл., оның ішінде экспорт 17 млн. АҚШ долл. және импорт 43 млн. АҚШ долл. құрады. Қазақстан Данияға негізінен минералды өнімдерді экспорттайды және химия, тамақ өнеркәсібі өнімдерін, машиналар мен жабдықтарды, аспаптар мен аппараттарды импорттайды. 

Бүгінгі таңда елімізде 30-дан астам бірлескен кәсіпорын тіркелген.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды