• Басты
  • Қазақстан экономикасының өсімі 11 айда 4,4% құрады
13 Желтоқсан, 2019 09:10

Қазақстан экономикасының өсімі 11 айда 4,4% құрады

ҚР Премьер-Министрі Асқар Маминнің төрағалығымен өткен Үкімет отырысында 2019 жылдың қаңтар-қараша айларындағы әлеуметтік-экономикалық даму және республикалық бюджеттің атқарылу қорытындысы қаралды. 
Қазақстан экономикасының өсімі 11 айда 4,4% құрады

Экономиканың, банк саласының жай-күйі, республикалық бюджеттің орындалуы, мемлекеттік сатып алулардағы жергілікті қамту туралы ұлттық экономика министрі Р. Дәленов, Ұлттық банк төрағасы Е. Досаев, Премьер-Министрдің бірінші орынбасары - Қаржы министрі Ә. Смайылов баяндады. 

Қазақстан экономикасы тұрақты өсу қарқынын көрсетіп отыр - 2019 жылдың қаңтар-қараша айларында ЖІӨ өсімі өткен жылдың тиісті кезеңіне 4,4% құрады.  

Құрылыста – 12,1%, саудада – 7,5%, көлік саласында – 5,6%, өңдеу секторында, оның ішінде машинажасауда – 19,2%, автомобиль жасауда – 64%, жеңіл өнеркәсіпте – 16,6%, түсті металдар өндірісінде – 6,8%, кокс және мұнай өңдеу өнімдерінде – 5,3%, металл кенін өндіруде – 15,7%, байланыс қызметтерінде – 4,7%, өнеркәсіпте – 3,6% оң динамика байқалып отыр. Ұлттық қор активтері 4,3%-ға, $60,5 млрд-қа дейін өсті, республикалық бюджетке кірістер – 9595,7 млрд теңге (жоспарға 100,2%), өсу қарқыны 117,6% құрады.

«Елбасы Нұрсұлтан Әбішұлы Назарбаев және Мемлекет басшысы Қасым-Жомарт Тоқаев біздің алдымызға экономиканың тұрақты өсімін қамтамасыз ету міндетін қойды», - деді А. Мамин.

Премьер-Министр салалық министрліктер мен өңірлердің басшыларына көрсеткіштерді жоспарлық мәндеріне шығару бойынша барлық қажетті шараларды қабылдауды тапсырды. 

Үкімет басшысы а.ж. 11 айының қорытындысы бойынша экономиканың дамуының жоғарғы өсімі байқалып отырған Ақтөбе, Жамбыл, Шығыс Қазақстан, Қарағанды, Түркістан облыстарының әкімдіктерінің жұмысына оң баға берді. Артта қалған әкімдіктерге проблемалық көрсеткіштерге қатысты мәселелерді түзету бойынша тиісті шаралар қабылдау қажеттігі атап көрсетілді. 

Бюджет қаражатының игерілмеуіне жол берген әкімдер мен мемлекеттік органдардың басшылары тыңдалды.

«Бюджеттің кіріс бөлігі бойынша биылғы жылдың жоспарын асыра орындау байқалды. Бірақ, бірқатар әкімшілер әлі де бюджет қаражатының игерілмеуіне жол беріп отыр», - деді А. Мамин.

Үкімет басшысы бюджеттік бағдарламалар әкімшілеріне қаржылық жылдың соңына дейін (а.ж. 20 желтоқсанына) бөлінген бюджет қаражатын толық көлемде игеру бойынша шаралар қабылдауды тапсырды. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды