• Басты
  • Қауіпсіздікті реттейтіндерді қолдаймын - Марат Бәшімов

Қауіпсіздікті реттейтіндерді қолдаймын - Марат Бәшімов

12 Наурыз, 2020 15:33

Митингтердің арнайы орындарда өткізілуі туралы саясаттанушы Марат Бәшімов Strategy2050.kz тілшісіне айтып берді.

"Заң жобасы қоғамда кеңінен талқыланды. Партиялар,арнайы органдар,қоғамдық бірлістіктер өңірлерді аралап,халықтың пікірін білді. Мәселен, Жамбыл облысында үлкен өзгерістер енді. Қоғамның пікірі тыңдалды,сол үшінде 250 адам ғана қатыса алады деген тетік алынып тасталды",-деді М.Бәшімов.

Сонымен қатар, ол мемлекеттік органдарды  халықаралық сарапшылар да қолдап отырғанын айтты. 

"Қазір заман өзгеріп бара жатыр. Себебі,қазір  пікіріңді айтқың келсе,әлеуметтік желі арқылы таратады. Мысалы, митингке келген адамның жүрегі қысып қалса, сол жерде дәрігерлер тұрса жақсы емес пе? Полиция қызметкерлері де тәртіпсіздіктің орын алмауына баскөз болып тұрса тиімді. Бұл журналистердің де жұмысына жеңілдік береді. Митингтің белгіленген жеріне кеп,аұпарат тарата береді. Бұл көше кезіп жүргеннен әлдеқайда жақсы.Қазір ақпарат тез тарайды",-деді ол.

Айта кетейік, мәжілісте ҚР Ақпарат және қоғамдық даму министрі Дәурен Абаев "ҚР-да бейбіт жиналыстар ұйымдастыру және өткізу тәртібі туралы" және "Қазақстан Республикасының кейбір заңнамалық актілеріне бейбіт жиналыстарды ұйымдастыру және өткізу тәртібі мәселелері бойынша өзгерістер мен толықтыру енгізу туралы" заң жобасының тұжырымдамалық тәсілдерін таныстырды.

Аягөз Құрмаш

Барлық жаңалықтар