• Басты
  • Қасым-Жомарт Тоқаев елорда әкімі Алтай Көлгіновті қабылдады
17 Ақпан, 2020 14:36

Қасым-Жомарт Тоқаев елорда әкімі Алтай Көлгіновті қабылдады

Қазақстан Президенті Қасым-Жомарт Тоқаев елорда әкімі әкімі Алтай Көлгіновті қабылдады, деп хабарлады Ақорданың баспасөз қызметі.












Қасым-Жомарт Тоқаев елорда әкімі Алтай Көлгіновті қабылдады

Кездесуде Алтай Көлгінов мемлекет басшысына елорданы дамыту мәселелері жөніндегі кеңесте берілген тапсырмалардың орындалу барысы туралы мәлімет берді.

Қазақстан президентіне тұрғын үй, әлеуметтік нысандар: мектептер, ауруханалар мен емханалар, жеңіл атлетика стадионын салу жоспарлары, қазақ драма театрының  құрылысы жөнінде баяндалды.

Қасым-Жомарт Тоқаев тұрмысы төмен отбасыларға және мүмкіндігі шектеулі жандарға мемлекет тарапынан әлеуметтік көмек көрсетудің маңыздылығын атап өтіп, халықтың өмір сүру сапасын арттыру бағытындағы жұмыстарды жалғастыру қажет екенін айтты.

Сонымен қатар, мемлекет басшысы елорда әкіміне қаланың инженерлік желілерін нығайтып, кәріз жүйелерін жаңарту жөнінде нақты тапсырма берді.

Жалпы, президент елорда әкімдігінің жұмысына оң баға беріп, қаланы абаттандыру ісін одан әрі қарқынды жүргізу бойынша міндеттер қойды.



Барлық жаңалықтар
3.237.66.86, 192.168.88.100