• Басты
  • Astana Hub Шымкенттегі стартап кәсіпкерлікті дамытуға көмектеседі
15 Қараша, 2019 14:47

Astana Hub Шымкенттегі стартап кәсіпкерлікті дамытуға көмектеседі


Шымкентте өтіп жатқан ІТ-форумда Astana Hub халықаралық IT-стартаптар  технопаркі мен Шымкенттегі «Цифрландыруды басқару» мемлекеттік мекемесі арасындағы тиісті меморандумға қол қойылды. Форумға цифрлық даму, инновация және аэроғарыш өнеркәсібі вице – министрі - Аблайхан Оспанов, Шымкент қаласының әкімі - Ерлан Айтаханов, Astana Hub IT-стартаптар халықаралық технопарктің басқарушы директоры - Марлен Сихаев, сонымен қатар шақырылған халықаралық IT-сарапшылар қатысты.
Astana Hub Шымкенттегі стартап кәсіпкерлікті дамытуға көмектеседі

Форум алаңында цифрлық шешімдердің өзекті мәселелері, заманауи жағдайда аймақты дамыту үшін қажет тәсілдер мен технологиялық тәжірибе бойынша диалог ұйымдастырылды.

Ұйымдастырушылардың айтуынша, Шымкентте "Ақылды" қаланы дамыту тұжырымдамасы қабылданды. Бұл тұрғыда Smart City, 5G енгізу, сондай-ақ жасанды интеллект, ауқымды деректермен жұмыс істеу және жаңа перспективалы кәсіптердің тақырыптары қозғалды. 

Astana Hub технопаркінің басқарушы директоры Марлен Сихаев елордалық технопарктің тәжірибесімен, оның бір жылдағы жұмыс нәтижелерімен, сондай-ақ Astana Hub-да жұмыс істейтін стартап-жобаларды дамыту бойынша бағдарламалармен бөлісті.⠀

 «Біз елдегі технологиялық стартаптарды дамыту бойынша қолдау шаралары бойынша белсенді жұмыс істеп жатырмыз. Технопаркте акселерация, инкубация сияқты стартаптарды дамытудың ақысыз бағдарламалары бар. Олар бойынша оқыту тегін. Сондай-ақ, жақында біз өңірлер үшін онлайн оқыту өткіздік. Жыл ішінде стартаптардың жұмыс нәтижесі-17 миллиард теңгеден астам сомаға өз жобаларын дамытуға инвестиция тарту және 1000-нан астам жұмыс орындарын құру. Бүгін біздің сарапшылар командасы өз білімдерімен бөлісуге және өз тәжірибелерін еліміздің өңірлеріне таратуға дайын. Startup Sapary бағдарламасының қорытындысы бойынша біз әр өңір үшін жеке IT-кәсіпкерлікті дамыту жоспарын әзірлеуді жоспарлап отырмыз», Astana Hub IT-стартаптар халықаралық технопаркінің басқарушы директоры Марлен Сихаев хабарлады.

Еске салайық, форум қарсаңында Astana Hub сарапшылары Шымкентте аймақтық Startup Sapary бағдарламасын өткізді. Бағдарлама аясында технопарктің өкілдері IT-идеясы бар барлық жас кәсіпкерлер үшін «Стартап мектебі» интенсивті курсын ұсыну үшін Қазақстанның 17 облыс орталығына барады. Startup Sapary бағдарламасы Петропавл, Атырау, Қызылорда, Түркістан, Орал және Ақтау қалаларыңда ұсынылды. Технопарк тобы әрі қарай Қарағанды, Көкшетау, Тараз, Өскемен, Павлодар және Талдықорғанға барады. 

Болашақта Astana Hub технопаркі Қазақстанда ІТ-кәсіпкерлікті дамыту мен бірлескен жобаларды құру үшін өңірлердің технопарктерімен тығыз ынтымақтастықты жоспарлап отыр. Сапар қорытындысы бойынша Astana Hub технопаркінің оқыту бағдарламалары мен әдіснамасын қамтитын әр өңірді дамыту бойынша жеке ынтымақтастық жоспарын әзірлеу жоспарлануда.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды