• Басты
  • Ғалымдар төтенше жағдай кезінде фермерлерге арналған онлайн-кеңес өткізуде
20 Сәуір, 2020 09:37

Ғалымдар төтенше жағдай кезінде фермерлерге арналған онлайн-кеңес өткізуде

Ғалымдар егін егу кезінде фермерлерге әлеуметтік желілер мен жедел хабарламалар арқылы кеңес береді,  деп хабарлады Strategy2050.kz ҚР АШМ баспасөз қызметіне сілтеме жасай отырып.
Ғалымдар төтенше жағдай кезінде фермерлерге арналған онлайн-кеңес өткізуде

Елдегі төтенше жағдайға байланысты «Ұлттық аграрлық ғылыми-білім беру орталығы» КеАҚ ғалымдары Facebook, Instagram, Telegram және басқа интернет-ресурстар арқылы фермерлерге қашықтықтан консультациялар ұйымдастыруда. 30 наурыздан бастап «ҰАҒБО» КеАҚ-ның, ҚазҰАУ және ауыл шаруашылығы және өсімдік шаруашылығы, мақта шаруашылығы, жеміс-жидек, күріш, мал шаруашылығы ғылыми-зерттеу институттарымен бірлесіп 55 мың фермерге көктемгі дала жұмыстарына дайындық бойынша 7 онлайн-кеңес өткізді.

Интернет арқылы консультациялар сұрақ-жауап түрінде жүргізілді. Фермерлерді элиталық тұқымдармен қамтамасыз ету, тыңайтқыштарды дұрыс қолдану, паразиттер мен ауруларға қарсы агрохимиялық шаралар жүргізу, ұрықтандырудың жасанды технологияларын енгізу, жердің құнарлығын жақсарту және басқа да мәселелер қызықтырды.

Шаруалар өздерін толғандырған сұрақтарын кеңес барысында қойып, ғалымдардан тұщымды жауап алды. Онлайн кездесуден кейін ғалымдар жеке ұсыныстары мен тұжырымдамаларын фермерлердің электронды поштасына жолдады.

«Қазір егіс кезінде фермерлерге қолдау көрсету өте маңызды. Бүгінгі қиын жағдайда заманауи технологиялардың көмегімен Қазақстанның фермерлеріне кеңестер беріп, көмектесуді жалғастырамыз. ҰАҒБО-ның барлық филиалдары, ғылыми-зерттеу институттары мен тәжірибе стансалары, фермерлерге әлеуметтік желілер мен мессенджерлер арқылы өз ұсыныстарын береді», - деді ҰАҒБО-ның басқарма төрағасы Төлеутай Рахымбеков.

Оның айтуынша, егіс маусымына дейін ҰАҒБО-ның ғалымдары қазақстандық фермерлер үшін 230 онлайн-кеңес өткізуді жоспарлап отыр.

⠀Өткен жылы ҰАҒБО 610 консультация ұйымдастырса, ал орталықтың еншілес компаниялары мыңнан астам ақпараттық-түсіндіру іс-шараларын, оның ішінде 742 ауылшаруашылық өндіріс орталықтары үшін 160-тан астам кеңес өткізген болатын.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды