• Басты
  • Алакөлдің «Қайыңды» ет өңдеу зауытының өнімдері нарыққа жол тартады
13 Қаңтар, 2020 09:35

Алакөлдің «Қайыңды» ет өңдеу зауытының өнімдері нарыққа жол тартады

Алматы облысының әкімі Амандық Баталов Алакөл ауданына жұмыс сапарымен келген Парламент Мәжілісінің депутаттары Ерсұлтан Бектұрғанов пен Марат Бопазовты бірнеше нысанға бастап барды.  Депутаттар «Zhersu» инвестициялық-өндірістік корпорациясының аграрлық объектілерінің жұмыс жағдайымен танысты, - деп хабарлайды Алматы облысы әкімінің баспасөз қызметі. 
Алакөлдің «Қайыңды» ет өңдеу зауытының өнімдері нарыққа жол тартады

Ресми қонақтарға «Zhersu» инвестициялық-өндірістік корпорациясы бақылау кеңесінің төрағасы Бауыржан Оспанов алдымен Арқарлы ауылдық округі аумағындағы «Алакөл Асыл жылқысы» ЖШС-ның жылқы фермасын көрсетті. Оның айтуынша, өткен жылдың қарашасында іске қосылған жылқы тұқымын асылдандыру мақсатындағы бұл шаруашылыққа 1 млрд. теңгеге жуық инвестиция салынған. Жобаның қазіргі бірінші кезеңінде мұнда 10 мың бас жылқы әкелініп, бағылып отыр.

 Олар негізінен Ресейден және еліміздің Маңғыстау, Қарағанды, Шығыс Қазақстан облыстарынан әкелінген. Ресейдің Алтай, Барнауыл өңірлерінің қысы қатал, жазы жайлы табиғатының Алакөл климатына ұқсастығы сырттан әкелінген жылқыларды жерсіндіруде ешқандай қиындықтың туындамауына зор ықпал еткен. Ал жобаның екінші кезеңінде асыл тұқымды жылқының санын 20 мың басқа жеткізу жоспарланып отыр. Олардың барлығы да негізінен ет пен сүт бағытын өркендетуге бағытталмақ.  Фермадағы мал бағу JPS-тің көмегімен әлдеқайда жеңілдетілген. Қазіргі кезде мұнда түйе өсіру де қолға алынған. 

Бүгінгі күні мұнда 56 адам жұмыс істейді. Бұл фермада жұмысшыларға барлық жағдайлар жасалған. Олар үшін жатақхана салынып, арнайы тұрғын үйлер де пайдалануға берілген. Тіпті кинотеатр мен кітапхана да жұмыс істеп тұр. Балалар ойнайтын алаң жасалып, асханасында жұмысшыларға тегін тамақ ұйымдастырылған. Осының бәрі шаруашылықтағы мамандардың өзіне жүктелген міндеттерін жауапкершілікпен, сапалы орындауларына мүмкіндік беріп отыр.   

Мұнан соң ресми қонақтар корпорацияның Бұдыр ауылында орналасқан «Қайыңды» ЖШС-ның мал бордақылау алаңы мен ет өңдеу зауытына атбасын бұрып, цехтарын аралап көрді. 

Серіктестіктің үйестірушісі Асқар Мұқашевтің айтуына қарағанда, мұндағы мал бордақылау алаңы 5 мың бас ірі қара семіртуге арналған. Қазір Герефорд және Ангус тұқымды 4500 бас бар, іске қосылғалы  500 бас ірі қара сойылған. Зауыттың мал сою цехында бір күнде 60 басқа дейін мал сойылады. Ал шұжық цехында тәулігіне 6 тоннаға дейін дайын өнім өндіріледі. Бұл жерден шұжықтың 18 түрін таба аласыз. Қазіргі кезде өнімнің сауда маркасы дайындалуда, бұл «Қайыңды» серіктестігінің шұжықтарын отандық сауда сөрелерінен көретін күн де алыс емес деген сөз.  Сонымен қатар дайын өнімді алғашқыда Қытай мен Ресейге экспорттау межеленіп отыр. Жалпы ет өңдеу зауыты ет өнімдерін өңдеу мен экспорттауға бағытталған. 

Облыс әкімі Амандық Баталов мал шаруашылығының осындай іргелі нысандарының өңірдің ет өндірісін, экспорттық мүмкіндіктерін ұлғайтуға зор ықпал ететінін айтты.  

- Осындай айтулы жобаларды ғылыми-әдістемелік орталық ретінде көрсетуге болады. «Мың рет естігеннен бір рет көрген артық», - деген. Бүгінгі аралаған нысандар аграрлық салада тәжірибе алмасу, үйрену алаңы болуға әбден лайық. Біз ірі бизнесмендердің көмегімен осындай өте пайдалы, заман талабына сай жобаларды жүзеге асыру арқылы облысқа инвестиция тарту жұмыстарын одан әрі де жалғастырамыз, -  деді А. Баталов. 

Депутаттар да өз кезегінде мұндай нысандардың мал шаруашылығын өркендетудегі үлесіне оң баға берді. 

Атап өтсек, осы үш нысан да - «Алакөл Асыл жылқысы» ЖШС-ның жылқы фермасы, «Қайыңды» ЖШС-ның мал бордақылау алаңы мен ет өңдеу зауыты «Zhersu» инвестициялық-өндірістік корпорациясының инвестиция салуы нәтижесінде жүзеге асырылған. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды