• Басты
  • Аида Балаева: Президент үндеуінде айтқандарының ең негізгісі – бұл әрбір қазақстандық өмірінің маңыздылығы
9 Шілде, 2020 09:13

Аида Балаева: Президент үндеуінде айтқандарының ең негізгісі – бұл әрбір қазақстандық өмірінің маңыздылығы

Бұл туралы ҚР Ақпарат және қоғамдық даму министрі Аида Балаева әлеуметтік желідегі парақшасында жазды, - деп хабарлайды Strategy2050.kz тілшісі.
Аида Балаева: Президент үндеуінде айтқандарының ең негізгісі – бұл әрбір қазақстандық өмірінің маңыздылығы
Президенттің бүгінгі сөз сөйлеуінің негізгі түйіні – бұл әрбір қазақстандық өмірінің маңыздылығы. Мемлекет еліміздегі әрбір азамат қорғаудың бар екендігін сезінуі үшін барлық мүмкіндікті жасайды. Әрбір өмір үшін күнделікті ауыр күрес жүреді. Өкінішке орай, бүгінде осынау ауыр эпидемиологиялық ахуалды өз мақсаттарына пайдаланатын кейбір адамдармен бетпе-бет келіп отырмыз. Бұл жалған мәліметтер мен үрей тудырады. Тек ресми ақпараттарға ғана сену қажет. Оны күнделікті coronavirus2020.kz сайтынан алуға болады, – деп жазды министр Facebook-тегі парақшасында.

Министр  халықты дәрі-дәрмектермен, ауруханаларды төсек-орынмен қамтамасыз ету жөніндегі мемлекеттің кешенді шаралары жайлы да жазыпты.
Коронавируспен күреске бағытталған күнделікті шаралар күшейтіле түсетін болады. Қазақстандықтар таяу күндері індетпен күреске қажетті дәрі-дәрмекпен қамтамасыз етіледі. Президент атап өткендей, алдағы апталар шешуші болмақ. Және де бұл уақытта көп жағдай қазақстандықтардың өздеріне, олардың сана-сезіміне, өзінің және жақындарының өмірі мен денсаулығына деген алаңдаушылық деңгейіне байланысты болмақ. Қатаң санитарлық нормаларды сақтап, қажеттілік туындамаса үйден, пәтерден шықпау қажет. Бүгінде барлығы да біздің әрқайсымызға байланысты. Медицина қызметкерлердің тыныштығы мен қалыпты жұмысы біздің саналығымызға байланысты болмақ. Біздің жауапкершілігіміз вирустың таралуын төмендетеді. Балаларымыздың денсаулығы мен болашағы бізге байланысты. Өзіңізді және жақындарыңызды қорғаңыздар, – деді Аида Балаева.

Барлық жаңалықтар