• Басты
  • Абай әндерінің образын ашу үшін бірде-бір әртісті таныстырмадық – А.Маемиров
22 Қаңтар, 2020 12:06

Абай әндерінің образын ашу үшін бірде-бір әртісті таныстырмадық – А.Маемиров

Қоюшы-режиссер Асхат Маемиров Абайдың 175 жылдығын ашу салтанатында өткен концертте Абайдың барлық әндері мен туындыларын қою мүмкін емес екенін айтты. Алайда, 1 сағат 10 минуттық қойылымға Абай тұлғасын сыйдыруға тырысқандарын жеткізді,деп хабарлады Strategy2050.kz тілшісі.
Абай әндерінің образын ашу үшін бірде-бір әртісті таныстырмадық – А.Маемиров

« Ол барлық адамзатты біріктіргісі келді. Біз оның тұлғасын ақын, сазгер, данышпан, ойшыл, философ, өз халқын сүйетін адам ретінде ашқымыз келді. Біз Абайдың әртүрлі жасын бейнеледік. Тоғжанмен кездесетін жас Абай, ойшыл Абай. Әндерінің образын ашу үшін бірде-бір Халық әртісін таныстырмадық. Себебі, олар Абайдың әлемін барша шығармашылығымен жеткізуге тырысты. Саханада Қазақстанның әр түкпірінен жиналған 1500-ге жуық балалар мен үлкендер ұжымдары, әртістер өнер көрсетті. Бір ай бойы дайындалдық. 160-тан астам өлең, 45 қара сөз, әндері мен күйлерін жеткізу мүмкін емес.Біз оны барынша қысқартып, театр тілімен жеткізуге тырыстық», - деді ол.

Сондай-ақ,  ол  шараға қатысу үшін 30-ға жуық режиссер мен хореограф бiр ай бойы ұйқысыз түндер өткізгенін айтты.

«Абайда 160-қа жуық өлең бар, 70-ке жуық аударма өлеңдері, поэмалары және әндері бар. Үш ақ нәрсе адамның қасиеті: ыстық қайрат, нұрлы ақыл, жылы жүрек. Абайдың ақылын алса, айтқанын iстесе, қазақ қана емес, адамзат адаспайтын Темiрқазығын табады. Осы мерейтой аясында Абай биыл араб, жапон, испан, қытай, немiс, француз тiлдерiнде сөйлейдi. Осылайша Абайды әлем таниды. Демек қазақты да тани түседі. Бүгiн басталған торқалы тойдың өзегі де, өзгешелігі де осы: тойлату емес, ойланту. Сөйтiп Абайдың алып әлемiн мойындату», - деді ол.


Аягөз Құрмаш

Барлық жаңалықтар
66.249.66.90, 192.168.88.100