• Басты
  • А.Цой: 17 қазаннан бастап вакцина алмағандар жұмысқа жіберілмейді

А.Цой: 17 қазаннан бастап вакцина алмағандар жұмысқа жіберілмейді

8 Қазан, 2021 15:52

ҚР Денсаулық сақтау министрі міндетті вакцинацияның жұмысқа жіберу шарты ретінде бекітті, деп хабарлады Coronavirus2020.kz сайты. 

ҚР Денсаулық сақтау министрі Алексей Цой «Жіті респираторлық вирустық инфекциялар, тұмау және олардың асқынуы (пневмония), менингококк инфекциясы, COVID-19 коронавирустық инфекциясы, желшешек және скарлатина кезінде санитариялық-эпидемияға қарсы, санитариялық-профилактикалық іс-шараларды ұйымдастыруға және жүргізуге қойылатын санитариялық-эпидемиологиялық талаптарға» толықтырулар енгізу туралы бұйрыққа қол қойды. Құжат 17 қазаннан бастап күшіне енеді. 

«Бұйрық бойынша коронавирус инфекциясының таралуына жол бермеу үшін күндізгі режимдегі жұмысқа тек COVID-19-ға қарсы вакцина алған қызметкерлер жіберілетіні айтылған. Ал вакцина алмағандар ПТР тестілеудің теріс қорытындысы немесе тұрақты медициналық қарсы көрсетілім туралы, коронавиурспен ауырып жазылғанына 3 ай толмағаны туралы медициналық анықтама болған жағдайда ғана жұмысқа жіберілмек.

Айта кетейік, 2021 жылғы 7 қазанға дейін елімізде коронавирус инфекциясына қарсы вакцинаның бірінші компонентін 7 810 611 адам алған. Екпенің екінші компонентін салдырғандар саны - 6 828 545 адам.

Барлық жаңалықтар