21 Қараша, 2019 17:20

Ақтөбе облысы халықаралық форумда экспорттық әлеуетін көрсетті

Ақтөбе облысының әкімі Оңдасын Оразалин Орынбор қаласында басталған «Орынбор – Евразия жүрегі» халықаралық форумына қатысуда.

Форум халықаралық серіктестік мәселесінде тәжірибе алмасып, шешімін іздеуде және күш біріктіруде ірі пікірталас алаңдарының бірі болып табылады және оған жыл сайын Қазақстан, Армения, Қырғызстан, Белоруссия, Тәжікстан, Өзбекстан мен басқа да елдерден келген делегациялар жиналады. Олардың құрамында шет мемлекеттердің ресми тұлғалары, билік органдарының, қоғамдық институттар мен бизнес өкілдері, сарапшылар, экономика саласының, стратегиялық даму және инновация мамандары бар.

Ауқымды шара шекаралас өңірлердің әлеуметтік саясат пен экономиканың түрлі салаларында, жетістіктерін таныстыруда әрі қарайғы өзара байланыстарын нығайту мақсатында өткізіліп отыр.

Форум аясында Оңдасын Оразалин Орынбордағы «Менің бизнесім» бірінші өңірлік орталығының ашылу салтанатына қатысты. Ол жерде «бір терезе» тәртібімен шағын және орта кәсіпкерлік субъектілеріне 160-тан аса қызмет көрсетілетін болады. Жоба мемлекет пен бизнес арасындағы қарым-қатынасты жақсартып, кәсіпкерлердің жұмысын жеңілдетуге мүмкіндік береді деп күтіліп отыр. Кейін облыс әкімі форумға қатысқан елдердің алпыстан аса экспозициялары қойылған «Ұлттық жобалар. Инвестициялық және экспорттық әлеует» атты халықаралық көрмені қарап шықты.

Ақтөбе облысының ірі кәсіпорындары көрмеде өздерінің экспорт саласындағы жетістіктерін көрсетті. «ТД Фотон» ЖШС, «Баумастер Интернешнл», «Грант Адал», «Вибромастер», «Эко Ферма 2015», «Миал-КЗ», «Айбек» ӘКК мен тағы басқалар өз өнімдерін қойды.

Газбетон блоктарын, лак-бояу өнімдерін, консерві және полиуретанды бұйымдарын өндіретіндер үшін бұл өз өнімдерін пайдаланатын ресейлік тұтынушылармен байланысты жолға қоюда, жаңа өткізу нарығын табуда, сонымен қатар, форум қатысушыларымен шекара серіктестігі, экспортқа жұмыс жасайтын кәсіпорындарды қолдау сұрақтарын талқылауда бірегей мүмкіндік.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды