Ақмола облысында полиэтилен өнімін өндіретін кәсіпорын іске қосылды
18 Маусым, 2014 12:03
Ақмола облысының Шортанды ауданында ҮИИД бағдарламасы аясында «Полимер-Пласт» ЖШС полиэтилен өнімін өндіретін кәсіпорын іске қосылды. Ол жылына 1500 тонна өнім өндіреді.
Облыс әкімдігінде хабарлағандай, жоба 37 жаңа жұмыс орнын ұсынды.
Жобалық қуаттылыққа 2014 жылдың желтоқсанында шығу жоспарланған.
Сондай-ақ, ауданда индустриялық аймақты құру бойынша жұмыстар жүргізілуде, ол темір жол инфрақұрылымына жалғанатын болады.
2014 жылы Индустрияландыру картасына 3 жобаны енгізу қарастырылған. Олар әр түрлі металдарды өндіруге бағытталған зауыттар.
