Патенттеу және қорғау құжаттарын беру электронды жүйеге ауысады - Б.Имашев

«Бүгінде елімізде патенттеу және қорғау құжатын беру халықаралық талаптарға сай келеді. Қазіргі таңда біз оны айтарлықтай жеңілірек форматқа, яғни электронды жүйеге көшірмекшіміз», - деді министр.

Сонымен қатар, министр атап өткендей үстіміздегі жылы зияткерлік меншік мәселесі  көтерілуде.

«Зияткерлік меншік мәселесі 2011 жылдан бастап АЭФ күн тәртібіне енгізіліп келеді. Биыл біз сапасы төмен, контрафакт өнімдерінің ғаламторда айналымына қарсу күресу мәселесін көтердік», - деді Б. Имашев.

Айта кетерлік жайт Елбасының әлемнің дамыған 30 елінің қатарына ену тапсырмасын орындау мақсатында Әділет министрлігі заңнамалық акітелерге енгізілетін өзгертулерді жасақтады.

«Заң жобасы өндірістік субектілерге қорғау құжаттарын алу процедурасын жеңілдетуге бағытталған. Осылайша қазақстандық нарықтың инвестициялық тиімділігі арта түседі. Қуаныштысы сол, заң жобасына Дүниежүзілік зияткерлік меншікті қорғау ұйымы оң бағасын берді», - деп  министр түйіндеді.

Индира Кауметова