Қазақстандық стартап өкілдеріне мемлекеттен жедел кепілдік беріледі - ӨДМ
17 Маусым, 2014 16:57
Стартап жобаларды жүзеге асыруға ниетті жас кәсіпкерлер үшін 20 млн теңгеге дейін 70 пайыздық жедел кепілдік қарастырылған, деп мәлімдеді ҚР өңірлік даму министрі Болат Жәмішев ОКҚ брифингінде.
«Старт-ап жобаларды жүзеге асыруға ниетті жас кәсіпкерлер үшін 20 млн теңгеге дейін 70 пайыздық жедел кепілдік қарастырылған. Бұған Үкімет дауыс беріп, ұсыныс мақұлданып, қабылданды», - дейді Болат Жәмішев.
Оның айтуынша, аталмыш ұсыныс «Бизнестің жол картасы-2020» бағдарламасын жетілдіру аясында қаралған.
«Сонымен қатар, «ҚазАгро» ҰБХ» АҚ арқылы ауыл шаруашылығына қолдау берілетіндерге арналған бағдарламаны кеңейту бойынша өзгерістер енгізуге дауыс берілді. Енді олар «Бизенстің жол картасы-2020» бағдарламасына да қатар қатыса алады», - дейді министр.
Мадина Нұрбекова
