Каспий теңізінің 12 милі Қазақстанға тиесілі – Шекара қызметі
«Каспий теңізінің геологиялық жаңаруы мен өзіндік ерекшелігі барлық шекаралас мемлекеттердің мүддесін ескеретін Каспий теңізінің құқықтық статусы туралы Конвенциясын дайындау қажеттілігін тудырды. Келісімнің дер кезінде құрылуы мен негізділігі Каспий теңізінде мемлекеттердің қауіпсіздікті қамтамасыз етуіне байланысты», - дейді ҚР Ұлттық қауіпсіздік комитетінің Шекара қызметі төрағасының орынбасары Кеген Тұрсынбаев.
Оның айтуынша, келісім теңіздің құқықтық статусының айқындалмаған уақытында өзекті болған теңіздегі биологиялық алуандықты сақтау мен жүзудің қолайлы тәртібін қамтамасыз ету шараларының іске асырылуына мұрындық болмақ.
«Қазіргі таңда Қазақстанның Каспий теңізі бойындағы мемлекеттік шекарасы 12 миль аумақты алып жатыр. Сонымен қатар, егер бес тараптың арасындағы келісімге қол қойылатын болса, 12 мильдік шекаралық аумақтан бөлек тағы 13 мильдік балық аулау аумағы қосылатын болады», - дейді ол.
Камила Амирова
