Астанада «Қолжетімді баспана – 2020» бағдарламасына қатысу үшін 5424 өтініш берілді
17 Маусым, 2014 12:16
«Қолжетімді баспана-2020» бағдарламасының ең басты бағыттары жас отбасыларды баспанамен қамту. 2 маусым мен 14 маусым аралығында Астана қаласының ХҚКО-да «Қол жетімді баспана-2020» бағдарламасы бойынша ресми құжат қабылдау болып өтті.
«Қолжетімді баспана – 2020» бағдарламасында бірқатар негізгі бағыттар бар, ол «Тұрғын үй құрылыс жинақ банкі» АҚ арқылы жүзеге асырылады.
Ағымдағы жылы Астана ХҚКО жас отбасылардың 5424 өтінішін қабылдады. Астана қаласының әкімдігі 2014 жылы жас отбасылар үшін 672 пәтерді қолданысқа беруді жоспарлап отыр. Оның ішінде бір пәтерлі – 134 бірлік, екі пәтерлі – 380 бірлік, үш пәтерлі – 158 бірлік, деп қала әкімдігінің баспасөз қызметі хабарлады.
