Қала күніне орай «Астана - Арқау» түркі музыкасының фестивалі өтеді

«Астана - Арқау» түркі музыкасы фестивалі түркі халықтарының мәдени ықпалдасуы үдерісінде өз үлесін алған танымал музыкалық оқиға ретінде кеңінен танымал. Соңғы алты жыл ішінде фестивальға барша түркі халықтарының музыкалық мұрасын жалғастырған 450 музыкант пен ғалым қатысты. Ал тұрақты қатысушылар қатарында әлемнің ондаған елдерінен келген жеке орынлаушылар, аспапшылар мен зерттеушілер бар. Осындай кең ауқымда және тұрақты түрде өтетін түркі ұлттарының музыкалық мұрасына арналған мәдени шара тек Астанада ғана ұйымдастырылатынын атап өту ләзім, деп Астана қаласының 16 жылдығына арналған мерекелік шараларды  дайындау және өткізу жөніндегі   ұйымдастыру комитетінің медиа-штабы хабарлады.

Биылғы «Астана-Арқау» фестивалінде көрермендер музыкалық көне туындылармен қауышып, талантты әртістер және танымал қонақтармен жүздесе алады. Үш күн қатарынан «Астана Опера» камералық залының сахнасында Қалмықия, Чуваш, Алтай, Башқұртстан,  Якутия, Тыва, Дағыстан, Татарстан, Қырғызстан, Әзербайжан, Өзбекстан, Монғолия, Түрікменстан, Түркия және Қазақстан музыкалық дәстүрінің мұрагерлері өнер көрсетеді.

Қалмақ ұлттық төл қойылымдарымен және толықметражды спектакльдерімен аты шыққан «Ойраты» (Қалмықия) мемлекеттік би театры концерттік бағдарламаға қатысатынын жеткізді. Театр репертуарына аң қимылдарын дәлме-дәл ұқсата қайталайтын ғасырдан-ғасырға жеткен сирек тұснұсқалық би стилі енгізілген.

Шақырылған қонақтардың ішінде қырғыз ұлттық комуз аспабын жетік меңгерген, Қырғызстан Еңбек сіңірген әртісі Бахыт Шотенов бар. Музыкант ұлттық үш ішекті комуз аспабын шебер меңгергендіктен және ұлтық әндерді еліте нақышына келтіре орындау арқылы көпке танылды.

Фестивальдің келесі қонақтары - түркі елдерінің бұлғар тобының жалғыз өкілдері әрі сирек ұлттық мұра сақтаушылары, түркі халықтарының халқы аз Чуваш елінің азаматтары Николай Эриванов, Зинаида Думилина, Ольга Туринцева.