Астанада жұмыссыздар саны 1,5 есеге азайды
17 Маусым, 2014 09:48
2014 жылдың басынан бері елордада тіркелген жұмыссыздар саны 1,5 есеге азайды, ал ағымдағы айда 2939 адамды құрады. Салыстырып көрейік, өткен жылдың сәйкес мерзімінде бұл көрсеткіш 4567 болған. Бұл туралы astana.kz сайты Астана қаласының Экономика және бюджеттік жоспарлау басқармасына сілтеме жасап хабарлады.
Жұмыспен қамту қызметіне 4811 азамат жүгінген, соның ішінде 1181-і еңбекпен қамтылса, 993 қоғамдық жұмыстарға қатысады. Жұмыспен қамту және әлеуметтік бағдарламалар басқармасы елорда тұрғындарын жұмысқа орналастыру мақсатында бос орындар жәрмеңкесін тұрақты өткізеді. Жыл басынан бері қалада осындай 4 шара өткізілді. Соның ішінде мүмкіндігі шектеулі жандарға арналған жәрмеңке де ұйымдастырылды. Ведомство мәліметтеріне сәйкес, шараға қатысқан 3500 астам адамның 1200-і жұмысқа орналастырылды.
