А. Сәрінжіпов: 2015 жылы ҰБТ жеңілдетіледі
16 Маусым, 2014 16:21
Бүгін Орталық коммуникациялар қызметінің баспасөз отырысында «ҰБТ-2014 қорытындысы» тақырыбында білім және ғылым министрі Аслан Сәрінжіпов ҰБТ тестілеуі талапкерлер үшін жеңілдетілетіндігін айтты.
«Қазір біз айналысып жатқан ең басты бағыт білім саласының жаңғыруы мен жетілуі, демек, орта білім бағдарламасының сақталуы. Біз ҰБТ-ны талапкерлерге стресс әкелмейтін жағдайға дейін жеткізуді қарастырып жатырмыз», - деді министр.
Оның айтуынша, қазір ол үшін арнайы жұмыс тобы құрылды.
«Басты тапсырмалардың бірі – талапкерлер мен түлектерге тесті жеңілдету, яғни стресстік жағдайға дейін жеткізбеуге тырысу. Ендігі оқу жылында біз бастапқы сыныптан жоғары сыныпқа дейін жаңа жүйе енегізетін боламыз. Стандарттағы өзгерістер халықаралық тәжірибені назарға алатын болады», - деді ол.
Жалпы, министр атап өткендей, білім министрлігі ұсынғаннан кейін ұсыныстар Үкіметте таныстырылады, содан соң тәжірибеге енгізіледі.
Мадина Нұрбекова
