• Басты
  • А. Есімов: Алматының денсаулық сақтау жүйесінде 30 мың қызметкер бар

А. Есімов: Алматының денсаулық сақтау жүйесінде 30 мың қызметкер бар

14 Маусым, 2014 14:06
Алматының денсаулық сақтау саласында 30 мың қызметкер жұмыс істейді, деп қала әкімі Ахметжан Есімов медицина қызметкерлерінің күнін тойлауда айтты.

Мерекелік шарада қала әкімі «Денсаулық сақтау ісіне қосқан үлесі үшін»  және  «Денсаулық сақтау ісінің үздігі» мақтау қағаздарын ұсынды.

«Денсаулық сақтау саласында 30 мың қызметкер жұмыс істейді. Ол елдің әрбір 5 дәрігері мен 11-ші медбикесі. Қалада соңғы 4 жыл ішінде 15 денсаулық сақтау нысаны салынды. Мұндай қарқын қала тарихында бұрын-соңды болмаған. 2012 жылдан бастап қаржыландыру 20 пайызға өсіп, 57 млрд теңгені құрады», - деді А. Есімов.

Бұл жұмыстың қорытындысы – адамдардың өмір сүруі жақсаруда. Жалпы өлім-жітім қысқарып, адамдардың өмір сүру ұзақтығы ұзаруда. Қазіргі таңда қала тұрғындарының өмір сүру ұзақтығы 73,6 жылды құрайды, деп қала әкімдігінің баспасөз қызметі хабарлады.

Кәсіптік мереке алдында денсаулық сақтау саласына 370 млн теңге бөлінді. Ол медқызметкерлердің жатақхана құрылысына бағытталады. 

Барлық жаңалықтар