• Басты
  • Қызылордалық ақхалаттылар миллион теңгеден сыйақы алды

Қызылордалық ақхалаттылар миллион теңгеден сыйақы алды

15 Маусым, 2014 12:02
Қызылордада медицина саласының үздік қызметкерлері 1 миллион теңге сыйақымен марапатталды.

«Денсаулық саласының жұмысын жандандыру үшін жол картасы жасалды. Алда ауқымды жұмыстар күтіп тұр. Қазір ауылдық жерлерде амбулатория салып, медициналық орталықтарды соңғы үлгідегі құрал-жабдықтармен қамтамасыз етудеміз. Бұл адам өмірін ұзарту үшін жасалып жатыр», - деді облыс әкімі Қ.Көшербаев. 

Сондай-ақ, өңір басшысы сала үздіктерін ҚР Премьер-министрінің «Алғыс хатымен», Қызылорда облысының «Құрмет» грамотасымен және «Алғыс хатымен» марапаттап, үздік маман номинациясы бойынша 10 қызметкерге 1 миллион теңгенің сертификатын табыстады.

Облыс әкімдігінен хабарлағандай, өңірде соңғы үш жылдың өзінде жаңадан 39 нысан ашылды. Тағы 40 денсаулық сақтау ғимаратын салу жоспарда бар.

Барлық жаңалықтар