Қызылорда облысының әкімі грант иегерлерімен кездесті

Айта кетейік, облыс әкімі Қ.Көшербаевтың бастамасымен аталған оқу орнымен әріптестік байланыс орнатылған. Сынақты сәтті тапсырған 153 оқушы ресейліктердің тағайындаған грантын иеленді.

«Жерлестеріміздің басым бөлігі металлургия, нанотехнология секілді мамандықтарды таңдап отыр. Бұл оқу орнының студенттері Германия, АҚШ, Франция мемлекеттерінде іс-тәжірибеден өтеді», - деп облыс әкімдігінен хабарлады. 

Бұған қоса, Санк-Петербург мемлекеттік технологиялық институтында 41 қызылордалық оқушы білім алады.

Сонымен қатар, аймақ басшысы түлектерге қолдарына дипломдарын алғаннан соң елге келіп, табысты еңбек етуге тілектестігін білдірді.

ҚР Президенті жанындағы жастар саясаты жөніндегі кеңестің төрағасы Ғ.Әбдірахымов өзі «Болашақ» бағдарламасы бойынша Германияда білім алғанын айтып, шетелде білім алудың өзгешелігін түсіндірді. «Аймақ басшысының бастамасы құптарлық. Бұл «Болашақ» бағдарламасының жалғасы іспетті. Барлық өңір осындай игі істі қолға алса, отандық мамандардың біліктілігі жоғарлап, ел эокномикасына серпін әкелері сөзсіз», - деді ол.