Қазақстанды мекен еткен киік саны 37 пайызға артты – ҚОСРМ
13 Маусым, 2014 12:01
Қазақстанды мекен еткен киік саны 37 пайызға артты. Бұл туралы бүгін ҚР Президенті жанындағы Орталық коммуникациялар қызметінің брифингінде ҚР қоршаған орта және су ресурстары министрі Н.Қаппаров мәлімдеді.
«Көктемде киік мекендейтін аумақтарда жануарларды есептеу науқаны жүргізілді», - деді министр.
Министрдің айтуынша, оның нәтижелері бойынша былтырғы көрсеткіштермен салыстырғанда Қазақстанды мекен еткен киік саны 37 пайызға артып, 256 мың бастан асқан.
Айта кетейік, орман және аңшылық шаруашылықтары секторын дамыту міндеттері қазір әзірленіп жатқан 2020 жылға дейінгі экономиканың орман секторын дамыту жөніндегі бағдарламада белгіленбек.
Индира Кауметова
