• Басты
  • Қазақстанда мүгедектерге арналған жұмыс орны жеңілдігін алып тастау жоспарлануда – И.Аронова (Фото)

Қазақстанда мүгедектерге арналған жұмыс орны жеңілдігін алып тастау жоспарлануда – И.Аронова (Фото)

12 Маусым, 2014 16:18
Бүгін ҚР «Мүгдектерді әлеуметтік қорғау мәселесі бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заң жобасын талқылау бойынша сараптамалық топтың бірлескен селекторлы отырысында «Нұр Отан» партиясы фракциясының мүшесі, ҚР Парламенті Мәжілісінің депутаты, «Азаматтарды әлеуметтік қамсыздандыру» бағыты бойынша партия кураторы Ирина Аронова Қазақстанда мүгедектерге арналған жұмыс орны жеңілдігін алып тастау жоспарланып жатқанын айтты.

«Қазақстанда мүгедектерге арналған үш пайыздық жұмыс орны жеңілдігін алып тастау жоспарланып отыр, енді біз нақты әр сала бойынша жұмыс орнын жеңілдетудің ережесі мен көлемінң ҚР Үкіметі тарапынан мақұлданғанын күтіп отырмыз», - дейді депутат.  

Оның айтуынша, мүгедектердің еңбегін пайдалану мүмкіндігінің жоқ салаларында жұмыспен қамту мәселесіне барынша жүйелі кірісуге мүмкіндік береді.

«Екіншіден, заңнамада мүгедектерге міндетті қолжетімділікті қамтамасыз ету жағы қарастырылып, қалалық және ауылдық жерлерде көлікті пайдалану, ақпаратты-коммуникациялық технология мен жүйелерді қосқанда ақпаратқа иелік ету жайы ескеріледі», - дейді.

Естеріңізге сала кетейік, қазіргі таңда Қазақстанда 630 мыңдай мүгедек өмір сүруде.

«Мүмкіндігі шектеулі жандарға жағдай жасау әрбір қазақстандықтың міндеті. Біздің Мәжіліс депутаты ретіндегі міндетіміз мүгедектердің барлық сұранысын қанағаттандыратын және алдыңғы қатарлы халықаралық талаптарға жауап беретін заңнаманы жетілдіру болып табылады», - дейді депутат. 

Мадина Нұрбекова 

Фото-Азамат Алиев 

Барлық жаңалықтар