Шетелдік инвесторлар кеңесі аясында Н. Назарбаев пен Сума Чакрабарти кездесті

12 Маусым, 2014 14:58

Мемлекет басшысы ҚР Президенті жанындағы Шетелдік инвесторлар кеңесінің аясында Еуропалық қайта құру және даму банкінің президенті Сума Чакрабартимен кездесті, деп Ақорданың баспасөз қызметі хабарлады.

Кездесу барысында банктің Қазақстандағы қызметі, соның ішінде еліміздегі түрлі жобаларды жүзеге асыруға қатысу мәселелері талқыланды.

Мемлекет басшысы Қазақстан мен ЕҚДБ арасында серіктестік туралы негіздемелік уағдаластық жасалғанын, ол біздің ел мен аталған қаржы ұйымының ынтымақтастығын кеңейтуге зор мүмкіндіктер тудыратынын атап өтті.

"Қазақстан экономиканы дамытуға 1 триллион 600 миллиард теңге бөледі, осынша сомадағы инвестициялар өзге көздерден де тартылатын болады. Мен Банктің Қазақстанмен жемісті жұмыс істегенін білемін. Біздің өзара ынтымақтастығымыз жалғасады деп үміттенемін", - деді Нұрсұлтан Назарбаев.

ЕҚДБ Орталық Еуропадан Орталық Азияға дейінгі 34 елде, сондай-ақ Оңтүстік және Шығыс Жерорта теңізі мемлекеттерінде жобаларды қаржыландырады.

теги:

ЕБРР. инвесторы