Павлодар облысында «Балапан» бағдарламасы аясында 41 балабақша ашылды
«Балапан» бағдарламасы аясында 2010 жылдан бері Павлодар облысында 4 жаңа балабақша салынып, 37 балабақша қайта қалпына келтірілді, мектепке дейінгі балалар үшін 131 шағын орталық ашылды. Пайдалануғ берілген орындардың жалпы саны 12,5 мыңға тең», - деді Г.Қадырбаева.
Нәтижесінде, Павлодар облысына қарасты 13 қала мен аудандардың 10-ы «Балапан» бағдарламасын мерзімінен бұрын орындады. Аймақта 3 пен 6 жастағы балаларды мектепке дейінгі біліммен қамту аумағы 64%-дан 99,7%-ға, 1-ден 6 жасқа дейінгі балалар бойынша 51%-дан 69,7%-ға өсті.
«2013 жылы аймақта мектепке дейінгі мекемелерде тағы да 1239 орын ашу жоспарланып отыр. Соның негізінде 3 пен 6 жас аралығындағы балаларды қамту аумағын 100%-ға, 1 мен 6 жас аралығындағы балалар бойынша 72,4%-ға жеткізуге мүмкіндік туады», - деді білім беру басқармасы бастығының орынбасары.
