Астанада Бейбітшілік пен Келісім Маршы халықаралық жобасы басталды (ФОТО)

«Бүгін Астанада Қазақстан, Ресей мен Беларусь аумағында өтетін төрт діннің Бейбітшілік пен Келісім маршына республика бойынша старт жарияланды. Одессадан бастап маршқа қатысушылар Салоника (Грекия) қаласына дейін мың шақырымдай жерді жаяу жүріп өтеді», - дейді Марштың атқарушы директоры, «Бейбітшілік және Келісім» қайырымдылық қорының президенті Руслан Абдуллин.

Ұйымдастырушылардың айтуынша, шара діндер арасындағы келісім мен халықтар арасындағы бейбітшілікке шақыру мақсатында өткізілуде.  Сонымен қатар, дінаралық диалог, мәдени мұра мен шығармашылыққа қол жеткізуде әріптестік құру тұжырымдамасын дайындау мақсатында ұйымдастырылды. Диалог дегеніміз тек дөңгелек үстел ұйымдастырып тарқасу емес, сонымен қоса барлық діннің ортақ келісімі», - дейді ол.

Маршқа қатысушылар 2 айда 7310 км жүріп өтеді деп күтілуде. Соның ішінде шамамен мың шақырымын жаяу жүрмек. Жоба аясында Астанада, Уфада, Қазанда, Мәскеуде, Киевте, София мен Салоникада дінаралық бейбітшілік пен келісім мәдениеті күндері жоспарланған. 

Камила Амирова