Қазақстандық және шетелдік тарихшылар Абылай ханның 300 жылдығына арналған конференцияға қатысады

Ақмола облысында Абылай ханның 300 жылдық мерейтойының құрметіне арнап жоспарланған мың шараның жылбасынан бері тоғыз жүзі өткізілді. Облыстағы барлық мәдениет мекемелерінде спектакль премьералары, шығармашылық кештер, халық шығармашылығын тамашалау өтті.

«Алайда, бүкіл Қазақстан мен таяу шетелден келген қонақтар жиналатын басты іс-шаралар әлі алда», – деп атап өтті облыстық әкімдіктің баспасөз қызметінде.

Мерейтой аясында шетелдік тарихшы-ғалымдардың қатысуымен ғылыми-тәжірибелік конференция өтеді.