Астана күніне орай «Аялаған Астана» музыкалық балалар байқауы өтеді
Жобаның басты мақсаты - еліміздегі жас таланттарға жол ашу, олардың шығармашылық әлеуетін дамыту және одан әрі қабілеттерін шыңдау.
Осы күндер қорытындысына сәйкес, халықаралық қазылар алқасы мен телекөрермендер «Балалар жаңа толқынында» Қазақстан намысын қорғауға мүмкіндік алатын Гран-При иегерін анықтайтын болады, деп Астана қаласының 16 жылдығына арналған мерекелік шараларды дайындау және өткізу жөніндегі ұйымдастыру комитетінің медиа-штабы хабарлады.
«Аялаған Астана» жобасының 2014 жылы наурыз-сәуір айларында өткізілген іріктеу кезеңіне еліміздің 16 қаласынан 8-12 жасар 1000 бала қатысты.
Байқау ұйымдастырушылары Астана қаласы әкімдігі, «НҰР Отан» ХДП, Астана қаласы мәдениет басқармасы, «АРС» продюсерлік компаниясы мен «Первый канал «Евразия» телеарнасы болып табылады.
