Елордада «Астана жастары» орталығы таныстырылды

11 Маусым, 2014 09:02

Келешектің қожасы жастар. Сондықтан бой емес, ой жарыстыратын заманның азаматтары сауатты, білімді әрі білікті болуы қажет. Астананың қалыптасуына үлес қосқысы келетін белсенділер де бар.

Әсіресе, халықаралық ЭКСПО көрмесі қарсаңында болашағын бас қаламен байланыстырғысы келетіндер көбейіп келеді, деп қала әкімдігінің ресми сайты хабарлады.

Әлем астаналарынан кем түспейтін қалаға бірнеше тілді жетік меңгерген, медицина, құрылыс, энергетика, мәдениет пен көлік саласындағы мамандар қажет. Ал, сұранысқа ие емес мамандықты меңгерем деушілер саны 16 пайызға азайыпты.

Жақында жастарды жұмысқа орналастыру бойынша жаңа пилоттық жоба іске қосылмақ. Мобильді орталық автовокзал мен темір жол вокзалында орналасады.

«Басқа облыстардан келетін жастардың саны өте көп. Орташа есеппен барлық аймақтан қалаға күніне 300 жуық автобус, 60 жуық пойыз келеді екен. Қалаға күніне 30 мыңдай адам келсе, оның жартысынан көбісі жастар. Былтыр 21 000 түлек оқуға түсуге келді» – деп Астана қаласы Жастар саясаты мәселелері басқармасының басшысы Талғат Рахманберді мәлімдеді.

Барлық жаңалықтар