Әлем сахнасын бағындырған қазақстандықтар Қала күнінде «Туған ел төсіндегі концертін» қояды
10 Маусым, 2014 17:02
Қала күнінде «Туған ел төсіндегі концерт» деген атпен әлемнің түрлі елдерінің классикалық музыка жұлдыздарының бірегей концерті өтеді. Әлемнің үздік сахналарында өнер көрсеткен аталмыш әртістерді біріктіретін - ортақ отаны Қазақстан, деп хабарлады Елорда күнін дайындық пен тойлауды ұйымдастыру комиттінің медиа штабы.
«Туған ел төсіндегі концерт» - бұл туған елге, мәдениетіне деген құрмет және классикалық өнердің барлық музыкалық жанрларын дәріптеу. Аталмыш концертте классикалық музыканың әлемдік жауһарлары жаңаша сипатта орындалады әрі көрмендер сирек туындылармен құлақ құрышын қандыра алады.
Концерт бағдарламасына Ф.Листтың «Венгерская рапсодия», Су Чонгтың Қытай ханзадасының ариясы, Дж.Вердидің «Сицилийская Вечерня» операсынан Елена болеросы және әлемнің танымал туындылары мен отандық авторлардың шығармалары енгізілген. Музыканттарды дирижер Абзал Мұхитдиновтың жетекшілігіндегі «Астана Опера» симфониялық оркестрі сүйемелдейді.
