• Басты
  • Әлемнің 16 елінің талантты балалары «Шаттық» фестиваліне қатысады

Әлемнің 16 елінің талантты балалары «Шаттық» фестиваліне қатысады

10 Маусым, 2014 11:26
Астанада 3-7 шілде күндері Астана күнінің 10 жылдық мерекесінде бастау алған «Шаттық» V халықаралық жас таланттар фестивалі өтеді.

Шарада Қазақстан, Ресей, Қырғызстан, Өзбекстан, Тәжікстан, Грузия, Әзербайжан, Беларусь, Саха Республикасы, Татарстан, Ингушетия, Литва, Латвия, Болгария, Қытай, Түркия және Израиль елдерінің 700-ге жуық балалары бас қосады.

««Шаттық» халықаралық жас таланттар фестивалінде балалар өз өнерлерін вокал, хореография, ұлттық орындаушылық, балалар сән театры, оригиналды жанр номинацияларында көрсетеді. Балалардың шат күлкісіне толы аталмыш мерекенің мақсаты - талантты орындаушылар мен ұжымдарды іздеу, рухани әрі көркем талғам қалыптастыру, балалар ұжымдары репертуарын жаңарту және халықаралық байланысты кеңейту болып табылады», - делінген хабарламада.

«Бәйтерек» монументі алдындағы алаңда өнер көрсетеді. Қатысушыларға КСРО Халық әртісі Бибігүл Төлегенованың басшылығындағы халықаралық қазылар алқасы баға беріп, сыйлықтар табыстайды.

 

Барлық жаңалықтар