Лукашенко әріптес мемлекеттердің ЕАЭО-ға деген қызығушылығын айтты - БЕЛТА
9 Маусым, 2014 18:26
Беларусь Президенті Александр Лукашенконың айтуынша, Еуразиялық экономикалық одақты құру кезеңінде оған әріптес мемлекеттер тарапынан айтарлықтай жоғары қызығушылық байқалған, деп хабарлайды Беларусь телеграф агенттігі.
«Еуразиялық экономикалық одақты құру кезеңінде оған әріптес мемлекеттер тарапынан айтарлықтай жоғары қызығушылық байқалды. Қытайды былай қойғанда, қазіргі таңда Вьетнам, Үндістан мен өзге де мемлекеттер ынтымақтастық құруға мүдделі болып отыр», - дейді А.Лукашенко.
«Яғни, одақ құрылмай жатып мемлекеттер оған сеніммен қарады. Бұл заңды да, өйткені жаңа дәуірдің парақтары ашылуда. Мүмкін, бұл көп полярлы әлемге қосылған өзінше бір үлес болар», - деді Беларусь Президенті.
Александр Лукашенконың пікірінше, Еуразиялық экономикалық одақтың болашағы жарқын. Алайда оған өзге де мемлекеттердің қосылуына жол ашу үшін ЕАЭО халықаралық қауымдастыққа өзінің өміршеңдігін дәлелдеуі керек.
