Астанада мемлекеттік басқарудың жаңа үлгісі талқылануда
9 Маусым, 2014 18:11
ҚР Президенті жанындағы Мемлекеттік басқару академиясында «А» корпусының әкімшілік -мемлекеттік қызметкерлері әкімшілік реформа негізінде мемлекеттік басқарудың жаңа үлгісін талқылады.
Астанада 2014 жылдың 9-10 маусым аралығында Қазақстан Республикасы Президенті әкімшілігінің секторлары меңгерушілерінің біліктілігін арттыру семинары өтуде.
Семинарлар барысында алынған білім саяси талдау мен болжау, стратегиялық жоспарлау, талант-менеджмент, ораторлық өнердің дамуына септігін тигізеді, деп Академиядан хабарлады.
Жалпы, семинарда мемлекеттік органдардың тапсырыстары аясында жасақталған тәжірибелік-бағдарланған кейстар қаралды.
Тыңдаушылар алдында ҚР мемлекеттік органдардың өкілдері, халықаралық сарапшылар және Академияның профессорлық-ұстаздар құрымы сөз сөйледі.
