• Басты
  • Жаз маусымына қарсы балаларды сауықтырудың 8 лагері ашылады – БҒМ (ФОТО)

Жаз маусымына қарсы балаларды сауықтырудың 8 лагері ашылады – БҒМ (ФОТО)

9 Маусым, 2014 17:06
Қазақстанда биылғы жылдың жаз маусымына қарай 1,1 мың орындық балалардың сауықтырудың 8 лагері ашылады, деп хабарлады баспасөз конференциясында ҚР Білім және ғылым министрлігі Мектепке дейінгі және орта білім беру, ақпараттық технология департаментінің директоры Жаңыл Жонтаева.

«2014 жылы жаз маусымының басына қарай 1150 орындық 8 балалардың сауықтыру лагері ашылады. Мұндай лагерлер Шығыс Қазақстан, Батыс Қазақстан, Маңғыстау, Оңтүстік Қазақстан облыстарында ашылады», - дейді Ж.Жонтаева.

Осыған орай жұмыспен қамтудың барлық түрлерімен 1 млн 219 мың оқушы қамтылмақ.

Жалпы, қазіргі таңда жоғарғы сынып оқушыларының олимпиадалық резервтегі зияткерлік жазғы мектебі, көшбасшылардың актив мектебі, дебат лагерлері және өзге де орындармен қамтамасыз етілуі шамамен 11,4% құрайды.

Сонымен қатар, биыл халықаралық шаралармен қамтамасыз етілу деңгейі шамамен 47 мың оқушыны құрайды. Осы тұрғыда 74 халықаралық лагерлерде еліміздің түкпір-түкпірінен 3 мың қазақстандық оқушы дем алмақ.

Оның айтуынша, 2012-2016 жылдарға арналған оқушылардың функционалды сауаттылығын дамыту шараларының ұлттық жоспары аясында туған өлкесі мен Астананы зерттеу мақсатында министрлік спорттық шаралар ұйымдастырмақ: 10 мыңнан астам туристік сапар мен экскурсия, 2,5 мыңнан астам шара мен 378 көшпелі спорттық жиын өтеді. Оған 250 мыңнан астам бүлдіршін тартылмақ.

Жалпы, жыл сайын балалармен жұмыс үшін жазғы  демалыста 45 мыңнан астам педагог пен медицина мамандары тартылған.

Камила Амирова 

Фото-Азамат Алиев 

Барлық жаңалықтар